જિલ્લા પંચાયત દ્વારા જાહેર સલામતિ માટે કરાયેલી જાહેરાત
(વર્તમાન પ્રવાહ વાપી બ્યુરો)
વાપી, તા.15: વલસાડ જિલ્લામાં છેલ્લા ત્રણ દિવસથી ભારેથી અતિભારે વરસાદ તમામ ગ્રામ્ય અને શહેરી વિસ્તારોમાં પડી રહ્યો છે. તેથી વલસાડ જિલ્લા પંચાયતે સર્વે કર્યા બાદ જિલ્લાના વિવિધ 20 જેટલા માર્ગો બંધ રાખવાની આજે જાહેરાત કરી હતી.
વરસાદનો બીજો રાઉન્ડ હાલમાં ચાલી રહ્યો છે. છેલ્લા ચાર-પાંચ દિવસથી સતત વરસી રહેલા વરસાદથી અનેક ખાના ખરાબી સર્જાઈ છે. જિલ્લાના વિવિધ માર્ગો પાણીમાં ગરકાવ થયા છે તો ક્યાંક કોઝવે ઓવરફલો થઈ રહ્યા છે તેથી જાહેર સલામતિને ધ્યાને રાખીને વલસાડ જિલ્લા પંચાયતે 20 જેટલા માર્ગો બંધ રાખવાની જાહેરાત કરી છે. કારણ કે હજુ બે થી ત્રણ દિવસ વધુ વરસાદ આવવાની આગાહી હવામાન ખાતાએ કરી છે અને તે મુજબ લગાતાર રાત-દિવસ વરસાદ પડી પણ રહ્યો છે. નદી, નાળા, કોઝવે અને નિચાણવાળા વિસ્તારો વરસાદી પાણીમાં ઠેર ઠેર થઈ રહ્યા છે તેથી રસ્તાઓપણ પાણીમાં ડૂબી જવાથી રસ્તાઓ જાહેર હીતને ધ્યાને લઈ જિલ્લા પંચાયતે 20 રસ્તા બંધ કર્યા છે.