Vartman Pravah
Breaking Newsડિસ્ટ્રીકટદમણદીવદેશસેલવાસ

સંઘપ્રદેશમાં ગૃપ સી અને ડીની ભરતી સ્‍થાનિક ઉમેદવારો મારફત જ કરાવવા જિલ્લા ભાજપમાં રજૂ કરાયેલો પ્રસ્‍તાવ

  1. આદિવાસી બહુમતિ ધરાવતી દમણની જિલ્લા અને ગ્રામ પંચાયતોમાં કાયમી ધોરણે અનુ.જનજાતિની બેઠક જિ.પં. સભ્‍ય અને સરપંચ માટે અનામત રાખવા પણ રજૂ થયેલો પ્રસ્‍તાવ

  2. મોટી દમણના ઝરી ખાતે રોડના વિસ્‍તૃતિકરણ દરમિયાન કાઢી નાંખવામાં આવેલ પીવાના પાણીની પાઈપલાઈન હજુ નહીં લગાડાતા મોટાભાગના લોકો પાણીવિહોણાં બની જતાં ઘણાંએ વ્‍યાજે પૈસા લઈને બોરવેલ ખોદાવવા મજબૂર બનવા પડયું હોવાની પણ દર્શાવવામાં આવેલી લાગણી

(વર્તમાન પ્રવાહ ન્‍યુઝ નેટવર્ક) દમણ, તા.16
દમણ જિલ્લા ભાજપ પ્રમુખ શ્રી અસ્‍પીભાઈ દમણિયાના અધ્‍યક્ષસ્‍થાને મળેલ કારોબારીસમિતિની બેઠકમાં ગૃપ સી અને ડીની ભરતી સ્‍થાનિક ઉમેદવારો મારફત જ કરાવવા પ્રસ્‍તાવ પસાર કરવામાં આવ્‍યો હતો. તદ્‌ઉપરાંત દમણ જિલ્લાની જે ગ્રામ પંચાયતોમાં અનુ.જનજાતિ(આદિવાસી) સમુદાયની બહુમતિ છે તે ગ્રામ પંચાયતોના સરપંચ અને જિલ્લા પંચાયત સભ્‍યની બેઠક કાયમ માટે અનુ.જનજાતિ માટે આરક્ષિત રાખવા પણ રજૂઆત કરાઈ હતી.
દમણ નગરપાલિકામાં અનુ.જાતિની વસતી લગભગ તમામ વોર્ડોમાં હોવા છતાં એક પણ બેઠક આરક્ષિત નથી. તેથી અનુ.જાતિના પ્રતિનિધિત્‍વ માટે દમણ ન.પા.માં એક બેઠક રોટેશન પ્રમાણે અનુ.જાતિ માટે આરક્ષિત રાખવા પણ રજૂઆત કરવામાં આવી હતી.
આ બેઠકમાં નાની દમણ બિબ્‍લોસથી સી-ફેસ સુધીના જર્જરિત બનેલા રોડ ઉપર વરસાદ પહેલાં મરામત કરવા પણ સૂચન કરાયું હતું. દમણ જિલ્લાના સોમનાથથી પાવર હાઉસ, કચીગામથી રીંગણવાડા રસ્‍તાની પણ વહેલી તકે મરામત માટે પ્રશાસન સમક્ષ રજૂઆત કરવા પણ પ્રસ્‍તાવ પસાર કરાયો હતો. દરમિયાન ઝરી ખાતે રોડના વિસ્‍તૃતિકરણ દરમિયાન કાઢી નાંખવામાં આવેલ પીવાના પાણીની પાઈપલાઈન હજુ નહીં લગાડાતા મોટાભાગના લોકો પાણીવિહોણાં બની જતાં ઘણાંએ વ્‍યાજે પૈસા લઈને બોરવેલ ખોદાવવા મજબૂર બનવા પડયું હોવાની લાગણી દર્શાવવામાં આવી હતી.

Related posts

સંજાણ-સુરત મેમુ ટ્રેનમાં દારૂના જથ્‍થા સાથે વલસાડમાં બે ખેપીયા ઝડપાયા

vartmanpravah

દાનહ અને દમણ-દીવ પ્રાથમિક શિક્ષણ વિભાગ દ્વારા પ્રધાનમંત્રીનાઆગમન નિમિત્તે કાર્યક્રમોનું કરાયેલું આયોજન

vartmanpravah

બે દિવસીય ઉનાઈ મહોત્‍સવનો પ્રારંભ: લોકડાયરો અને લોકનૃત્‍યોને લોકોએ મનભરીને માણ્‍યા

vartmanpravah

વલસાડ જિલ્લામાં કોરોનાનો વિસ્‍ફોટ, એક જ દિવસમાં71 પોઝિટિવ કેસ નોંધાયાઃ પાણી પુરવઠા મંત્રી જીતુભાઈ ચૌધરી સંક્રમિત: એક સાથે અધધ.. કેસ વધી જતાં તંત્રની ઊંઘ હરામ

vartmanpravah

શ્રી હાલારી વિશા ઓશવાળ સમાજનું ગૌરવ

vartmanpravah

ધરમપુર બોપી પંચાયતના સરપંચ પતિ આવાસ યોજના હપ્તામાં કટકી માંગતા ગ્રામજનોની ફરિયાદ

vartmanpravah

Leave a Comment