-
નાની દમણ સમુદ્ર નારાયણ મંદિરથી કડૈયા સુધીનો બીચ રોડ પૂર્ણતાના આરે
-
દેવકા બીચ ખાતે બનાવવામાં આવેલ વિશાળ પગથિયાં ઉપર બેસી અરબી સમુદ્રમાં અસ્ત થતાં સૂર્યને નિહાળવાનો આહ્લાદક લ્હાવો મળશે
(વર્તમાન પ્રવાહ ન્યુઝ નેટવર્ક) તસવીર-અહેવાલઃ રાહુલ ધોડી દમણ, તા.22
નાની દમણ સમુદ્ર નારાયણ મંદિરથી કડૈયા સુધી બની રહેલ બીચ રોડ હવે પૂર્ણતાના આરે છે. દેવકા બીચની કાયાપલટ અને નવઘડતર આંખે ઉડીને વળગે એ પ્રકારનું થઈ રહ્યું છે. દેવકા બીચ ખાતે લેન્ડસ્કેપિંગ અને લીલાછમ ઘાસના સંયોજનથી બનાવવામાં આવેલ ઢોળાવ પ્રવાસીઓ અને બાળકો માટે એક નવું આકર્ષણ પેદા કરી રહ્યું છે.
દેવકા બીચ ખાતે બનાવવામાં આવેલ વિશાળ પગથિયાં ઉપર બેસી અરબી સમુદ્રમાં અસ્ત થતાં સૂર્યને નિહાળવાનો આહ્લાદક લ્હાવો પણ પ્રવાસીઓ તથા સ્થાનિકોને મળવાનો છે. સંભવતઃ આ પ્રકારની વ્યવસ્થા દમણમાં જ આકાર લઈ રહી છે.