(વર્તમાન પ્રવાહ ન્યુઝ નેટવર્ક)
સેલવાસ, તા.03: દાદરા નગરહવેલીમાં છેલ્લા ચોવીસ કલાક દરમ્યાન ત્રણ ઇંચથી વધુ વરસાદ નોંધાયો છે. સેલવાસમાં છેલ્લા ચોવીસ કલાકમાં 73.6 એમએમ નોંધાયો છે. વધુમાં સિઝનનો કુલ વરસાદ 341.2 એમએમ એટલે કે 13.43 ઇંચથી વધુ થયો છે. મધુબન ડેમનુ લેવલ 69.60 મીટર છે, ડેમમાં પાણીની આવક 3151 ક્યૂસેક છે અને પાણીની જાવક 353 ક્યુસેક છે. હાલમાં વરસાદ સારો પડી રહ્યો છે જેના કારણે ખેડૂતોમાં ખુશીનો માહોલ જોવા મળી રહ્યો છે. ડાંગરનું ધરું તૈયાર થઈ ગયું છે તેવા ખેડૂતોએ ખેતરમાં રોપણી રોપવાની શરૂઆત કરી દીધી છે.
==============
દાદરા નગર હવેલીમા 02 કોરોના પોઝીટીવ કેસ નોંધાયા
(વર્તમાન પ્રવાહ ન્યુઝ નેટવર્ક)
સેલવાસ, તા.03: દાદરા નગર હવેલીમાં નવા 02 કોરોના પોઝિટિવ કેસો નોંધાયા છે. પ્રદેશમાં હાલમાં 07 સક્રિય કેસ છે, અત્યાર સુધીમાં 6304 કેસ રીકવર થઇ ચૂક્યા છે, ત્રણ વ્યક્તિઓના મોત થયા છે. પ્રદેશમાં આરટીપીસીઆરના 173 નમૂનાઓ લેવામાં આવ્યા હતા. જેમાંથી 02 વ્યક્તિને કોરોના રીપોર્ટ પોઝિટિવ આવ્યો હતો. અને રેપિડ એન્ટિજન 38 નમૂના લેવામાં આવેલ હતા જેમાંથી એક પણ રીપોર્ટ પોઝિટિવ આવ્યો નથી. પ્રદેશમાં 2 કન્ટાઈનમેન્ટ ઝોન નક્કી કરાયા છે.