(વર્તમાન પ્રવાહ ન્યુઝ નેટવર્ક) પારડી, તા.04
આજરોજ તા.3જી જુલાઈ રવિવારના રોજ લાયન્સ ક્લબ ઓફ પારડી પર્લના ઉત્સાહી અને કર્મઠ પ્રેસિડન્ટ લા.મોહમ્મદ નલવાલાની આગેવાની હેઠળ પારડી ખાતે વિવિધ સેવાકીય કાર્યક્રમો યોજાયા હતા. જેમાં રાબેતા મુજબ મહિનાનાપહેલા રવિવારે થતા સિનિયર સીટીઝન માટેના ફ્રી મેડિકલ ચેકઅપ કેમ્પમાં કિડની કેર મહેતા હોસ્પિટલ અને મશરૂ ગારમેન્ટ્સના સહયોગથી 30 જેટલા વડીલોને ચેકઅપ કરી વિવિધ રિપોર્ટસ કરવામાં આવ્યા હતા. જેમાં કિડની કેર મહેતા હોસ્પિટલના ડો.પ્રફુલ મહેતા, ડો.નીલમ મહેતા, તથા એમના સહયોગી ડોક્ટર્સ, નર્સ અને લાયન્સ ક્લબ પારડી પર્લના સભ્યોએ સેવાઓ આપી હતી. ત્યારબાદ કિલ્લા પારડી ખાતે દર મહિનાના પહેલા રવિવારે યોજાતા પુસ્તક પરબમાં લાયન્સ ક્લબ ઓફ પારડી પર્લ દ્વારા આર્થિક સહયોગ તરીકે એક વર્ષ સુધી દર મહિને 1100 રૂપિયા આપી એમની પ્રવૃત્તિને વેગવાન બનાવવા માટે પ્રયત્નો કરવા આવ્યા હતા અને સાથે સાથે પુસ્તકોની જાળવણી માટે રૂમ તેમજ કબાટ આપવાનું પણ નક્કી કરવામાં આવ્યું હતું અને ત્રીજા અને મુખ્ય પ્રોજેક્ટ તરીકે બ્ઁફૂ ફુશતદ્દશ્વશણૂદ્દ બ્ઁફૂ ષ્ટશ્વંષફૂણૂદ્દ કાર્યક્રમ અંતર્ગત ડિસ્ટ્રીકટ ગવર્નર લા.મુકેશ પટેલ, જી.એસ.ટી. લીડર દેવેન્દ્ર મિષાીની સૂચના અંતર્ગત લાયન્સ ડિસ્ટ્રીક 3232જ્2 ના રિજીયન 5 માં આવતી ભરૂચથી ભિલાડ સુધીની 75 જેટલી ક્લબો દ્વારા પર્યાવરણની જાણવણી અંતર્ગત 10 હજાર જેટલા વૃક્ષો રોપવાનું નક્કી કરાયું હતું.
જેમાં લાયન્સ કલબ ઓફ પારડી પર્લ દ્વારા પારડીના ઉમરસાડી દેસાઈવાડ ખાતે આવેલ જાલ વિકાજી ભિલાડવાળા સ્મારકહાઈસ્કૂલ ખાતે, પ્રાથમિક આરોગ્ય કેન્દ્ર ખાતે તેમજ નલવાલા ફાર્મ ખાતે મળી કુલ 1000 જેટલા વૃક્ષો રોપવામાં આવ્યા હતા અને એની દેખરેખ તેમજ સાર સંભાળની વ્યવસ્થા પણ કરવામાં આવી છે.
આજના ત્રિવિધ કાર્યક્રમમાં પ્રેસિડેન્ટ લા.મોહમ્મદ નલવાલા, ડિસ્ટ્રીકટ કેબિનેટ સેક્રેટરી લા.પ્રેમલસિંહ ચૌહાણ, રિજીયન ચેરમેન લા.ખુશમન ઢીમર, આઈ.પી.પી. લા.પિંકેશ પટેલ, ટ્રેઝરર લા.ભરતભાઈ ડી.દેસાઈ, ફર્સ્ટ વી.પી. લા.સમીર દેસાઈ, સેકન્ડ વી.પી. લા.પ્રીતેશ ભરુચા., સિનિયર લાયન મેમ્બર લા.શરદ દેસાઈ, લા.બળવંત પટેલ, લા.શાંતિલાલ પટેલ, લા.કેઝર મુસાની, ઉપરાંત તાલુકા પંચાયત સભ્ય બચુભાઈ પટેલ, ડેપ્યુટી સરપંચ પ્રીતેશ પટેલ, અગ્રણી રાજુભાઈ વગેરે ઉપસ્થિત રહી આ કાર્યક્રમ સફળ બનાવ્યો હતો.
