દમણની સેવા વસતીમાં રહેતી કન્યાઓને ભોજન અને જરૂરિયાતમંદ ગરીબ પરિવારોને અનાજની કીટ અને બહેનોને સાડીનું કરવામાં આવેલું વિતરણ
(વર્તમાન પ્રવાહ ન્યુઝ નેટવર્ક)
દમણ, તા.21: ભાજપના રાષ્ટ્રીય મંત્રી અને સંઘપ્રદેશ દાદરા નગર હવેલી અને દમણ-દીવના પ્રભારી શ્રીમતી વિજ્યા રહાટકરના જન્મ દિવસ નિમિત્તે આજે દમણ જિલ્લા પંચાયતના પ્રમુખ શ્રી નવિનભાઈ પટેલે સેવા સાધના દ્વારા પોતાના આદરણિય નેતાના જન્મ દિનની ઉજવણી કરી હતી.
દમણ જિલ્લા પંચાયતના પ્રમુખ શ્રી નવિનભાઈ પટેલે આજે દમણની સેવા વસતીમાં રહેતી કન્યાઓને ભોજન કરાવ્યું હતું અને દમણમાં રહેતા જરૂરિયાતમંદ ગરીબ પરિવારોને અનાજની કીટ તથા મહિલા બહેનોને સાડી વિતરીત કરી શ્રીમતી વિજ્યા રહાટકરના જન્મ દિવસની આનંદ અને ઉલ્લાસ સાથે ઉજવણી કરવામાં આવી હતી.
આ તમામ સેવાકાર્ય દરમિયાન પરમ કૃપાળુ પરમેશ્વર પાસે ભાજપના વરિષ્ઠ નેતા અને સંઘપ્રદેશના પ્રભારી શ્રીમતી વિજ્યા રહાટકર માટે સુખ-સમૃદ્ધિ અને દીર્ઘાયુની કામના પણ કરવામાં આવી હતી.