(વર્તમાન પ્રવાહ ન્યુઝ નેટવર્ક)
સેલવાસ,તા.13 : દાદરા નગર હવેલીના રખોલી ગ્રામ પંચાયત ખાતે રોટરી ક્લબ ઓફ દાનહ દ્વારા વિનામૂલ્યે આંખની તપાસ અને મોતિયાના ઓપરેશનની શિબિરનું આયોજન કરવામાં આવ્યું. આ શિબિરમાં શ્રીમતી લીલાવતીબેન મોહનલાલ શાહ આંખની હોસ્પિટલ, રોટરી આઈ હોસ્પિટલ નવસારીના નિષ્ણાત ડોક્ટરોની ટીમ સેવા આપશે. આ શિબિર ગ્રામ પંચાયત હોલ રખોલી ખાતે 16મી ઓક્ટોબરના રવિવારના રોજ સવારે 10:00 વાગ્યાથી બપોરે 1:00 વાગ્યા સુધીનો છે. આ શિબિરમાં જરૂરિયાતમંદ આંખના દર્દીને વિનામૂલ્યે ચશ્મા આપવામાં આવશે અને જો કોઈ દર્દીને મોતિયો હશેતો તેઓનું ઓપરેશન વિનામૂલ્યે કરવામાં આવશે. આ શિબિરમાં મોટી સંખ્યામાં લાભ લેવા રોટરી ક્લબ ઓફ દાનહ દ્વારા ગ્રામજનોને અપીલ કરવામાં આવી છે.