(વર્તમાન પ્રવાહ ન્યુઝ નેટવર્ક) દમણ, તા.10
દમણ જિલ્લા પંચાયતની બાંધકામ સમિતિના અધ્યક્ષ શ્રીમતી રીનાબેન હરિશભાઈ પટેલે આજે દીવ નગરપાલિકામાં વિજય પતાકા લહેરાવી પરત ફરેલા પ્રદેશ પ્રમુખ શ્રી દીપેશભાઈ ટંડેલ અને દમણ જિલ્લા પંચાયતના અધ્યક્ષ શ્રી નવિનભાઈ પટેલનું ભવ્ય સ્વાગત કર્યું હતું.
દીવ નગરપાલિકાની ચૂંટણીમાં શ્રી દીપેશભાઈ ટંડેલ અને દમણ જિલ્લા પંચાયતના પ્રમુખ શ્રી નવિનભાઈ પટેલની કારગત રહેલી રણનીતિના કારણે મળેલા વિજયને દમણ જિલ્લા પંચાયતની બાંધકામ સમિતિના અધ્યક્ષ શ્રીમતી રીનાબેન હરિશભાઈ પટેલ અને ઓબીસી મોર્ચાના અધ્યક્ષ શ્રી હરિશભાઈ પટેલે વધાવી હતી.
