વડાપ્રધાન નરેન્દ્રભાઈ મોદી અને ભાજપના રાષ્ટ્રીય અધ્યક્ષ જે.પી.નડ્ડાનો માનેલો આભાર
(વર્તમાન પ્રવાહ ન્યુઝ નેટવર્ક) દમણ, તા.11
કેન્દ્રશાસિત પ્રદેશ દમણ જિલ્લા પંચાયતે ભાજપના નેતૃત્વ હેઠળની એનડીએ સરકાર દ્વારા શ્રીમતી દ્રૌપદી મુર્મુના રૂપમાં એક આદિવાસી મહિલાને રાષ્ટ્રપતિ પદના ઉમેદવાર બનાવીને જે પહેલ કરવામાં આવી છે તેને આવકારી છે.
ભાજપના રાષ્ટ્રીય અધ્યક્ષ શ્રી જે.પી. નડ્ડા અને વડાપ્રધાન શ્રી નરેન્દ્રભાઈ મોદીના નેતૃત્વ હેઠળની એનડીએ સરકારે ઝારખંડના ભૂતપૂર્વ રાજ્યપાલ શ્રીમતી દ્રૌપદી મુર્મુને આગામી રાષ્ટ્રપતિની ચૂંટણી માટે તેના ઉમેદવાર તરીકે જાહેર કર્યા છે. આઝાદીના અમૃત મહોત્સવ દરમિયાનસંથાલ જાતિની મહિલાને પ્રમુખ પદના ઉમેદવાર બનાવવાનો નિર્ણય ઐતિહાસિક હોવાનો કેન્દ્ર શાસિત પ્રદેશ દમણ જિલ્લા પંચાયત એક પ્રસ્તાવ પસાર કર્યો છે.
ભાજપના રાષ્ટ્રીય અધ્યક્ષ શ્રી જે.પી.નડ્ડા અને એનડીએના નેતૃત્વમાં વર્તમાન કેન્દ્ર સરકારે શ્રીમતી દ્રૌપદી મુર્મુને રાષ્ટ્રપતિ પદના ઉમેદવાર બનાવીને સામાજિક પરિવર્તનની દ્રષ્ટિએ એક પ્રશંસનીય પગલું ભર્યું છે. આગામી પ્રમુખ પદની ચૂંટણીમાં તમામ રાજકીય પક્ષોને આદિવાસી સમાજની સર્વાંગી પ્રગતિ માટે પ્રતિબદ્ધતા વ્યક્ત કરવાની તક મળી છે. આમ કરવા દમણ જિલ્લા પંચાયત વતી તમામ રાજકીય પક્ષોને પણ અપીલ કરી છે.
ભારતીય પરંપરા અને સંસ્કૃતિના અભિન્ન અંગ અને ગૌરવપૂર્ણ પરંપરાના વાહક હોવા છતાં દેશના આદિવાસી સમાજને વર્ષો સુધી ઉપેક્ષા સહન કરવી પડી હતી. દેશના આટલા મોટા સામાજિક ઘટકની મહિલાને દેશના સર્વોચ્ચ પદ પર મૂકવા માટે એનડીએ સરકારે જે પહેલ કરી છે, તે માટે અમે વડાપ્રધાનશ્રીનો આભાર માનીએ છીએ. દેશના 12 કરોડથી વધુ આદિવાસી સમુદાયોની અવગણનાને સુધારવા માટે આ એક ઐતિહાસિક પગલું છે. આજે દમણ જિલ્લા પંચાયતના પ્રમુખ શ્રી નવિનભાઈ પટેલના વડપણ હેઠળ દમણ જિલ્લા પંચાયત વતી આ આભાર સભાની શરૂઆત કરવામાં આવી હતી, આ આભારનો મત વડાપ્રધાન શ્રી નરેન્દ્રભાઈ મોદીનેમોકલવામાં આવ્યો છે. શ્રીમતી દ્રૌપદી મુર્મુજીના જીવનનો પરિચય, આ દરખાસ્ત દમણ જિલ્લા પંચાયત પ્રમુખ દ્વારા મુકવામાં આવી હતી.
