બિહારના પટના ખાતે કન્વર્જ-2023 અંતર્ગત સાહિત્યિક સાંસ્કૃતિક અને રમતગમત સ્પર્ધાના ત્રિ-દિવસીય રાષ્ટ્રીય કાર્યક્રમનું થયું હતું આયોજનઃ National Institute of Fashion Technology (NIFT) દમણ કેમ્પસના વિદ્યાર્થીઓએ પોતાની અદ્ભૂત પ્રતિભા અને સિદ્ધિઓનું કરેલું પ્રદર્શન
(વર્તમાન પ્રવાહ ન્યુઝ નેટવર્ક)
દમણ, તા.01 : તાજેતરના ‘‘કન્વર્જ-2023”માં, પટનામાં સાહિત્યિક, સાંસ્કૃતિક અને રમતગમતની સ્પર્ધાઓનો સમાવેશ કરતી પ્રતિષ્ઠિત ત્રિ-દિવસીય રાષ્ટ્રીય કાર્યક્રમમાં, National Institute of Fashion Technology (NIFT) દમણ કેમ્પસના વિદ્યાર્થીઓએ અદભૂત પ્રતિભા અને સિદ્ધિઓનું પ્રદર્શન કર્યું હતું. વિવિધ NIFT કેન્દ્રોના 1000થી વધુ વિદ્યાર્થીઓએ આ ઇવેન્ટમાં સક્રિયપણે ભાગ લીધો હતો.
સ્ટુડન્ટ ડેવલપમેન્ટ એક્ટિવિટી ક્લબના પ્રમુખ ડૉ. રાહુલ કુશવાહ તેમજ રાજ નંદિની અને વિશ્વનાથ કુમારના માર્ગદર્શન હેઠળ NIFT દમણની ટીમે શ્રેષ્ઠતા દર્શાવી હતી. તેમની અદ્ભૂત સાંસ્કૃતિક પરેડને ઓળખીને, જ્યુરીએ NIFT દમણને વિશેષ એવોર્ડ એનાયત કર્યો અને કેમ્પસને મોસ્ટ ડિસિપ્લીનનું બિરુદ આપ્યું હતું.
જેમાં ફેશિયલ કોમ્પિટિશન, સ્ટેન્ડઅપ કોમેડી, શોર્ટ ફિલ્મ પ્રેઝન્ટેશન,કેરમ અને 400 મીટર દોડમાં વિદ્યાર્થીઓની પ્રશંસા થઈ અને કેમ્પસની ઓળખમાં ફાળો આપ્યો હતો. આ સિદ્ધી ડાયરેક્ટર ડૉ. સંદીપ સચાને ટીમને અભિનંદન પાઠવ્યા હતા અને દમણના વિદ્યાર્થીઓને કેન્દ્ર શાસિત પ્રદેશ પ્રશાસનના સહયોગ બદલ આભાર વ્યક્ત કર્યો હતો.
