વર્તમાન પ્રવાહ ન્યુઝ નેટવર્ક)
સેલવાસ,તા.21: સંઘપ્રદેશ દાદરા નગર હવેલીમાં પડેલા ધોધમાર વરસાદના કારણે ખરડપાડા પંચાયતના મુખ્ય રસ્તા ઉપર મોટામોટા ખાડાઓ પડી ગયા હતા જેના કારણે નાના મોટા દરેક વાહનચાલકોને ભારે તકલીફોનો સામનો કરવા પડી રહ્યો હતો. આ રસ્તાની સમસ્યા અંગે પંચાયત દ્વારા પ્રશાસનને પણ રજૂઆત કરવામાં આવી હતી. પંચાયતના સરપંચ શ્રી દામુભાઈ બડઘાએ સભ્યો સાથે મિટિંગ કર્યા બાદ સ્થાનિક સી.એમ.સી. માર્બલ કંપનીના એડમિન સાથે ચર્ચા કર્યા બાદ રસ્તાની મરામ્મત કરવા માટે મટેરીયલ આપતા પંચાયત બોડી અને સીએમસી કંપનીના એડમીન શ્રી બિરેન્દ્ર કુમાર પ્રસાદના સહયોગ દ્વારા અથાલ ચોકડીથી લઈ લુહારી ફાટક સુધીનો જે જર્જરિત રસ્તો હતો. એમાં પડેલ ખાડાઓને જેસીબી અને રોલર દ્વારા મટેરીયલનાખી રસ્તાની મરામ્મત કરવામાં આવી છે. આ જે કામચલાઉ રસ્તાના મરામ્મતના કારણે કારખાનાઓમાં આવન-જાવન કરતા મોટા મોટા વાહનો તેમજ ગામમાં આવતા-જતા વાહનોને આંશિક રાહત થઈ છે. ગામના સરપંચ શ્રી દામુભાઈએ જણાવ્યું હતું કે ગામની અન્ય કંપનીઓ દ્વારા પણ જો આવો સહયોગ મળી રહે તો ગામમાં અને પ્રદેશના વિકાસના ઘણાં કામો કરી શકાય એમ છે.
