177 વિધાનસભાની વાંસદા બેઠકના પ્રતિનિધિ તરીકે અક્ષર રસીકભાઈ ટાંક પ્રશ્નોતરીમાં ભાગીદાર બન્યો
(વર્તમાન પ્રવાહ વાપી બ્યુરો)
વાપી, તા.22: નવી યુવા પેઢીને રાજકારણ, દેશની પ્રગતિ સમસ્યા અને વહીવટી સુજ સમજ અને જ્ઞાન મલે એ માટે ગાંધીનગરમાં ગતરોજ મોક વિધાનસભાનું આયોજન કરવામાં આવ્યું હતું. જેમાં 182 ધારાસભ્ય તરીકે યુવા પ્રતિભાશાળી વિદ્યાર્થીઓની પસંદગી કરાઈ હતી. જેમાં વાંસદા 177 વિધાનસભાના પ્રતિનિધિ તરીકે અક્ષર રસીકભાઈ ટાંક નામનો વિદ્યાર્થી પસંદ થયો હતો. અક્ષરએ વિધાનસભાની કાર્યવાહીમાં ભાગ લીધો હતો.
શાસકપક્ષ-વિપક્ષની જેમ વિદ્યાર્થીઓ મોકવિધાનસભામાં જોડાયા હતા. 182ની સંખ્યામાં 13 મંત્રી, એક સી.એમ. અને એખ વિપક્ષ નેતા અલગ-અલગ વિદ્યાર્થીઓ બન્યા હતા. યુવા મોડેલ વિધાનસભા દેશની પ્રથમ વિધાનસભા યોજાઈ હતી. વિદ્યાર્થીઓએ પ્રતિભા ઉજાગર કરી હતી. પસંદગી પામેલા યુવાનો (વિદ્યાર્થીઓ)માં વાંસદાના અક્ષર રસીકભાઈ ટાંકની પસંદગી થઈ હતી. મુખ્યમંત્રી અમદાવાદનો રોહન રાવલ બન્યો હતો. વિવિધ વિભાગોના 30 પ્રશ્નો પૂછાયા હતા. જેના મંત્રી તરીકે પસંદ થયેલા 13 વિદ્યાર્થીઓએ સ્ક્રીપ્ટ મુજબ જવાબો આપ્યા હતા. કોંગ્રેસના એક વિદ્યાર્થી આકાર મહેતાએ વીજ સમસ્યાનો મુદ્દો વિધાનસભામાં ઉઠાવ્યો હતો. મોડેલ એસેમ્બલીમાં ભાગ લેવા માટે 5000 એન્ટ્રી પૈકી 182 પ્રતિભાશાળી વિદ્યાર્થી પસંદગી પામ્યા હતા.
