સંઘપ્રદેશ દાદરા નગર હવેલી અને દમણ-દીવની મુલાકાત માટે પણ સાંસદશ્રીએ આપેલું આમંત્રણ
(વર્તમાન પ્રવાહ ન્યુઝ નેટવર્ક)
નવીદિલ્હી, તા.22: દેશના રાષ્ટ્રપતિ પદ માટે યોજાયેલ ચૂંટણીમાં વિજેતા બનેલા શ્રીમતી દ્રૌપદી મુર્મુની દમણ અને દીવના સાંસદ શ્રી લાલુભાઈ પટેલે મુલાકાત લઈ અભિનંદન પાઠવ્યા હતા, અને દાદરા નગર હવેલી અને દમણ-દીવની મુલાકાત માટે આમંત્રણ પણ પાઠવ્યું હતું.
પ્રાપ્ત માહિતી પ્રમાણે દેશના પ્રથમ આદિવાસી રાષ્ટ્રપતિ બનનારા શ્રીમતી દ્રૌપદી મુર્મુને દમણ-દીવના સાંસદ શ્રી લાલુભાઈ પટેલે કેન્દ્ર શાસિત પ્રદેશ દાદરા નગર હવેલી અને દમણ-દીવની મુલાકાત માટે આમંત્રણ આપતા સમસ્ત આદિવાસી સમુદાયમાં પણ આનંદ અને ઉલ્લાસની લાગણી જોવા મળી રહી છે.
