(વર્તમાન પ્રવાહ ન્યુઝ નેટવર્ક)
વલસાડ, તા.25: પારડી તાલુકાના ઉદવાડા ખાતે ભગીની સમાજ હાઈસ્કૂલમાં વલસાડ પોલીસ સુરક્ષા સેતુ અંતર્ગત 500 જેટલી કન્યા તાલીમાર્થીઓને સેલ્ફ ડિફેન્સ કરાટે અસોસિએશન ઓફ વલસાડ/આર્મર માર્શલ આર્ટસ ગુજ્જુ કરાટે એસોસિએશન દ્વારા સ્વરક્ષણની તાલીમ આપવામાં આવી હતી.
તાલીમ કાર્યક્રમમાં પારડી પોલીસ મથકના પીએસઆઈ જે.એન.સોલંકી દ્વારા પોલીસને લગતી માહિતી વિગતવાર સમજાવી વધુમાં ‘શી ટીમ ની માહિતી આપતા જણાવ્યું કે, કન્યાઓને બાહ્ય ગેરલાભ ઉઠાવતા તત્વો સામે કઈ રીતે એલર્ટ રહી પોતાનું સ્વરક્ષણ કરી શકાય. તેમજ મહિલા અને યુવતીઓની છેડતી અટકાવવા અને સાથે જ તેઓને સુરક્ષા આપવા પોલીસ હંમેશા સતર્ક રહે છે જે બાબતે ‘શી ટીમ કામગીરી કરી રહી છે.
કયોસી મનોજ પટેલે પોલીસ તથા આમ જનતાનું જોડાણ વિશે તથા પોલીસ 24 કલાક એલર્ટ હોવા છતાં આપણે પોતે પણ પોતાની રક્ષા કઈ રીતે કરી શકીએ અને સમાજને મદદરૂપ થઈ શકાય તે બાબતે માહિતગાર કર્યા કરી What is Good touch, what is Bad touch ભવની માહિતી આપી હતી. વિદ્યાર્થીનીઓને કયોસી મનોજ પટેલ, સેન્સાઈ આકાશ પટેલ અને સેન્સાઈમંગલ ટેલરદ્વારા સ્વરક્ષણની તાલીમ આપવામાં આવી હતી. તાલીમ કાર્યક્રમમાં પારડી પીએસઆઈ જે. એન. સોલંકી અને શાળાના આચાર્યએ હાજર રહી મહિલા સેલ્ફ ડિફેન્સના કાર્યક્રમમાં દીપ પ્રાગટ્ય કર્યું હતું.
