ધસ્ટાન્ડર્ડ કેમિકલ કંપનીમાં સલ્ફરના ગોડાઉનમાં આગ લાગતા આજુબાજુના વિસ્તારમાં ઝેરી હવા પ્રસરી હતી
(વર્તમાન પ્રવાહ વાપી બ્યુરો)
વાપી, તા.26
વાપી જી.આઈ.ડી.સી. થર્ડ ફેઝ વિસ્તાર સ્થિત એક કેમિકલ કંપનીમાં ગતરોજ બપોરે કંપનીના ગોડાઉનમાં ભિષણ આગ લાગતા અફરા તફરી મચી જવા પામી હતી.
પ્રાપ્ત વિગતો અનુસાર વાપી જી.આઈ.ડી.સી. થર્ડ ફેઈઝ વિસ્તારમાં આવેલ ધ સ્ટાન્ડર્ડ કેમિકલ કંપનીના સલ્ફર ગોડાઉનમાં સોમવારે સાંજના સુમારે અચાનક આગ ભભુકી હતી. આગની ભિષણતા વધારે હોવાથી નોટીફાઈડ, પાલિકા સહિત આજુબાજુના 10 ફાયર બ્રિગેડ ઘટના સ્થળે ધસી ગયા હતા. પાણીનો મારો સતત ચલાવી બે-ત્રણ કલાકની જહેમત બાદ આગ ઉપર કાબુ મેળવાયો હતો. ગોડાઉનમાં સલ્ફર ભરેલો હોવાથી આગમાં તેમાંથી કાર્બન ડાયોક્સાઈડ (અંગારવાયું) બહાર ફેલાતો હતો તેથી આજુબાજુના વિસ્તારમાં ગભરામણ અને આંખો બળવાથી લોકોમાં ભાગ ભાગ જોવા મળી હતી. જો કે કંપની આસપાસનો વિસ્તાર કાર્ડન કરી દેવાયો હતો. જાહેર સ્વાસ્થ્ય માટે તમામ જરૂરી પગલાં જે-તે એજન્સીઓ દ્વારા ભરવામાં આવ્યા હતા.
