(વર્તમાન પ્રવાહ ન્યુઝ નેટવર્ક)
દમણ, તા.26: દમણ પોલીસે દાભેલ ખાતે એક ચાલમાં છાપો મારી ગાંજાના જથ્થા સાથે એક વ્યક્તિની ધરપકડ કરી છે.
પ્રાપ્ત માહિતી પ્રમાણે દમણ પોલીસને મળેલી ગુપ્ત માહિતી પ્રમાણે નાની દમણના દાભેલ ખાતે આવેલ ક્રિએટિવ કંપનીની બાજુમાં 101 ફ્રાન્સિસની ચાલમાં છાપો મારી 1907 ગ્રામ ગાંજો બરામદ કરવા સફળતા મળી છે અને સંજીત કમલેશરી (ઉ.વ.35) મૂળ નિવાસી જમ્મુઈ બિહારની એન.ડી.પી.એસ. એક્ટની કલમ 20(બી)(બી), 22બી અંતર્ગત ધરપકડ કરવામાં આવી છે.
પ્રાપ્ત માહિતી પ્રમાણે આરોપી સંજીત કમલેશરીના ઘરથી એક બેગમાં ભરેલો ગાંજો અને સાથે નાની નાની પ્લાસ્ટિકની થેલીઓ મળવા પામી છે.