(વર્તમાન પ્રવાહ વાપી બ્યુરો)
વાપી, તા.28
વાપી જી.આઈ.ડી.સી. સેકન્ડ ફેઝ વિસ્તારમાં આવેલ એક પેપર મિલમાં આજે ગુરૂવારે 10 વાગ્યાના સુમારે આગ લાગતા અફરા તફરીનો માહોલ છવાઈ ગયો હતો.
જી.આઈ.ડી.સી. સેકન્ડ ફેઈઝમાં આવેલ નાથ કેમિકલના પેપરમિલ યુનિટ રામા પેપરમિલમાં આજે 10 વાગ્યાના સુમારે કંપનીના ટ્રાન્સફોર્મરમાં શોર્ટ સર્કિટ થવાથી આગ ભભૂકી ઉઠી હતી. આગની જાણ બાદ નોટિફાઈડ ફાયર બ્રિગેડની ટીમ ઘટના સ્થળે ધસી આવી હતી. ફોર્મ અને પાણીનો મારો ચલાવી આગ પર કાબુ કરીલેવાયો હતો. પેપર યુનિટ હોવાથી આગને લઈ ભયનું વાતાવરણ છવાઈ ગયું હતું પરંતુ સમયસર આગ બુઝાઈ જતા મોટી હતાહત ટળી જવા પામી હતી.
