(વર્તમાન પ્રવાહ ન્યુઝ નેટવર્ક)
પારડી, તા.28
આઝાદ ભારતના પ્રથમ આદિવાસી મહિલા રાષ્ટ્રપતિ શ્રીમતી દ્રૌપદી મુર્મૂજી માટે લોકસભાના કોંગ્રેસના નેતા અધીર રંજન ચૌધરી દ્વારા રાષ્ટ્રપત્ની જેવા અશોભનીય શબ્દોનો ઈરાદાપૂર્વક પ્રયોગ કરવામાં આવતા સમગ્ર દેશમાં તેના પત્યાઘાતો પડ્યા છે અને સમગ્ર દેશમાં ભાજપ દ્વારા આ કૃત્ય ને વખોડવા અને વિરોદ્ધ પ્રદશન કરવા વિવિધ જ્વનશીલ કાર્યક્રમો કરી વિરોધ પ્રદર્શન કરવામાં આવી રહ્યો છે.
વલસાડના કિલ્લા-પારડી ખાતે પણ પારડી ચાર રસ્તા ઓવરબ્રિજ નીચે પારડી શહેર ભાજપ દ્વારા પૂતળા દહનનો કાર્યક્રમ સાંજે 5:30 કલાકે રાખવામાં આવ્યો હતો. જેમાં કોંસના લોસભાના નેતા અધિર રંજન ચૌધરી વિરુદ્ધ વિવિધ સૂત્રચારો કરી તેમના પૂતળાનું દહન કરવામાં આવ્યું હતું.
આ પ્રસંગે વલસાડ જિલ્લા ભાજપ મહામંત્રી કમલેશ પટેલ, શિલ્પેશ દેસાઈ, પારડી શહેર ભાજપ પ્રમુખ રાજેશ પટેલ, મહામંત્રી કેતન પ્રજાપતિ, પારડી નગરપાલિકા પ્રમુખ હસમુખભાઈ રાઠોડ,ફાલ્ગુની ભટ્ટ, રાજન ભટ્ટ, દેવેન શાહ, ગજાનંદ માગેલા, અલી અન્સારી, નગરપાલિકા ઉપ પ્રમુખ સંગીતા પટેલ, સંગઠનના હોદેદારો, નગરપાલિકાના સદસ્યો સહિત મોટી સંખ્યામાં ભાજપ કાર્યકરો ઉપસ્થિત રહ્યાં હતાં.
