(વર્તમાન પ્રવાહ ન્યુઝ નેટવર્ક)
સેલવાસ, તા.31
દાદરા નગર હવેલીના લાયન સફારી પાર્કની અંદર 12 જૂન 2019ના રોજ 21 વર્ષની ઉંમરે સિંહણ સોનલે લાંબી માંદગી બાદ અંતિમ શ્વાસ લીધો હતો. ત્યારબાદ ફક્ત એક જ સિંહણ ગિરજા રહી ગઈ હતી. ત્યારબાદ પ્રસાશક શ્રી પ્રફુલભાઈ પટેલના માર્ગદર્શનમાં વનવિભાગ દ્વારા જૂનાગઢથી બીજા સિંહને લાવવાની તજવીજ હાથ ધરી હતી. જે પ્રક્રિયા બાદ પવિત્ર શ્રાવણ માસના પહેલા દિવસે વાસોણા લાયન સફારી પાર્કમાં સિંહનુ આગમન થયુ છે. એશિયાટિક લાયનનું એકમાત્ર ઘર ગીર જંગલ. જૂનાગઢ પ્રાણી સંગ્રહાલયમાંથી એક સિંહ આશાનું બચ્ચું લાવવામાં આવ્યું છે, આ સિંહનું વન વિભાગ દ્વારા ઉષ્માભેર સ્વાગત કરવામાં આવ્યું હતું. દાદરા નગર હવેલી અને પ્રવાસીઓ માટે ખુશીના સમાચાર છે. હવે ફરી લાયન સફારીમા સિંહણ ગિરજા અને બાળ સિંહ આશાનું બચ્ચાની ત્રાડ સાંભળવા મળશે.