પારડી તથા વાપીના ફાયર ફાયટરોએ સ્થળ પર પહોંચી આગ પર મેળવ્યો કાબુ: ગેસ વેલ્ડીંગના તણખાને લઈ આગ લાગી હોવાનું કારણ સામે આવ્યું
(વર્તમાન પ્રવાહ ન્યુઝ નેટવર્ક)
પારડી, તા.02: પારડી તાલુકાના પરિયા ગામે પીડી લાઈટ કંપનીની બાજુમાં આવેલ પાઈપના પેકિંગ માટેની સીટ બનાવતી એમએમટીઈ કંપનીમાં આજરોજ સાંજે 6:30 કલાકે ગેસ વેલ્ડીંગના તણખાને કારણે આગ લાગી હતી. આ ઘટનાની જાણ પારડી તથા વાપીના ફાયર ફાઈટરોને કરાતા તેઓએ તાત્કાલિક સ્થળ પર પહોંચી આશરે 20 મિનિટની જહેમત બાદ આ આગ પર કાબુમેળવ્યો હતો. જોકે આ આગમાં કોઈ જાનહાની થવા પામી નથી.
