રાજ્યભરના જી.આઈ.ડી.સી. ઉદ્યોગકારોએ માંગ કરી હતી : મુદત 31 જુલાઈ સુધી લંબાવાઈ
(વર્તમાન પ્રવાહ વાપી બ્યુરો)
વાપી, તા.08: રાજ્ય સરકાર દ્વારા રાજ્યભરમાં જી.આઈ.ડી.સી.માં થયેલા ગેરકાયદે બાંધકામો રેગ્યુલર કરવા માટે અરજીઓ મંગાવાઈ હતી. જેની અંતિમ મુદત 12મેની હતી. તેથી મુદત લંબાવવા માટે ઉદ્યોગકારોએ માંગણી કરતા સરકારે ગેરકાયદેબાંધકામો રેગ્યુલર કરવાની અરજીની અંતિમ મુદત વધારીને 31 જુલાઈની જાહેર કરી છે.
રાજ્યભરની જી.આઈ.ડી.સી.ઓમાં ગેરકાયદે બાંધકામો કાયદા હેઠળ સંશોધન કરી રેગ્યુલર કરવાની ઉદ્યોગકારોએ સરકારમાં વારંવાર રજૂઆત કરી હતી તે પગલે સરકારે જાન્યુઆરી મહિનામાં રાજ્યભરના તમામ જી.આઈ.ડી.સી. પ્લોટ હોલ્ડરો પાસે અરજી મંગાવી હતી. પરંતુ નિયત સમયમાં અરજી નહી થઈ શકતા મુદતમાં વધારો કરવાની માંગ ફરી ઉઠી હતી. જેને ધ્યાને રાખી 31 જુલાઈ સુધી બાંધકામો રેગ્યુલાઈઝ કરવાની અરજીની મુદત સરકારે વધારી છે.
