ગુજરાતમાં ઘુસાડવાની મળેલી બાતમીના આધારે પાડેલી રેડ
(વર્તમાન પ્રવાહ ન્યુઝ નેટવર્ક)
સેલવાસ, તા.04: દાનહ પોલીસ દ્વારા ગેરકાયદે પ્રવૃત્તિઓ સામે સતત શરૂ કરાયેલા અભિયાનની કડીમાં ગઈકાલે ઉમરકૂઈ વિસ્તારમાંગુજરાતમાં ગેરકાયદે કરાતી દારૂની હેરાફેરીની માહિતી સાયલી આઉટ પોસ્ટના એ.એસ.આઈ. શ્રી બી.વી. પાટીલને મળી હતી. જેના અનુસંધાનમાં પોલીસ સ્ટાફે ઉમરકૂઈના ભુજડપાડા ખાતે રહેતા પિન્ટુ સોનજી વળવીના ઘરે શોધ અભિયાન શરૂ કર્યું જ્યાં કોઈપણ વ્યક્તિ મળ્યો નહીં હતો પરંતુ બે કાર, એક મારૂતિ અલ્ટો નં. ડીએન-09 સી-0558 અને ટોયોટા કોરોલા નં. એમએચ-02 પીએ-9686માં કિંગફિશર સ્ટ્રોંગ બિયર, જ્હોનમાર્ટીન વ્હીસ્કી, રોયલ સ્ટેગ વ્હીસ્કી, ઈમ્પેરિયલ બ્લ્યુ વ્હીસ્કી મળી કુલ રૂા.42,880નો દારૂ ઝડપી પાડયો હતો અને દાનહ પોલીસે દારૂનો જથ્થો અને કારને વધુ તપાસ અને પગલાં માટે દાનહના એક્સાઈઝ ડિપાર્ટમેન્ટને સુપ્રત કર્યો હોવાનું અખબારી યાદીમાં જણાવાયું છે.