ક્લીનર બાળા સાહેબના મોત અંગે ભાઈએ ચાલક વિરૂધ્ધ કપરાડા પોલીસમાં ફરિયાદ નોંધાવી
(વર્તમાન પ્રવાહ વાપી બ્યુરો)
વાપી, તા.05
કપરાડા કુંભઘાટ મોતનો ઘાટ બની રહ્યાની પ્રતિતિ કરાવતો વધુ એક જીવલેણ અકસ્માત ગતરોજ સાંજે બન્યો હતો. ઘાટ ચઢી રહેલી ટ્રકનો ગેટ ફેઈલ થતા હુડા ગામના ખેતરમાં 30 ફુટ નીચે ટ્રક પલટી પટકાઈ ગઈ હતી. આ જીવલેણ અકસ્માતમાં ક્લિનરના ઘટના સ્થળે કરુણ મોત નિપજ્યું હતું.
પ્રાપ્ત વિગતો મુજબ કપરાડા ઘાટમાં આવેલ હુડા ગામ પાસેથી ટ્રક નં.એમએચ 18 એમટી 7171 ઘાટ ચઢી રહી હતી તે દરમિયાન ગેરમાં ખરાબી સર્જાતા ચાલક અલિ ઉલ્લાહ ખાને ટ્રક પરનો કાબુ ગુમાવતા ટ્રક30 ફૂટ નીચે આંબા ફળીયાના એક ખેતરમાં પટકાઈ હતી. અકસ્માતમાં ક્લિનર બાલા સાહેબ ગંભીર રીતે ઘવાતા ટ્રકમાં જ તેનુ કરુણ મોત નિપજ્યુ હતું. અકસ્માત અંગે ક્લિનરના ભાઈએ ટ્રક ચાલક વિરૂધ્ધ કપરાડા પોલીસમાં ફરિયાદ નોંધાવી હતી.
—–