(વર્તમાન પ્રવાહ ન્યુઝ નેટવર્ક)
સેલવાસ, તા.08: દાદરા નગર હવેલી સ્કાઉટ ગાઈડ ફેલોશીપે ‘આઝાદીના અમૃત મહોત્સવ’માં ‘હર ઘર તિરંગા’ અંતર્ગત ગંભીરગઢ ઉપર 2252 ફૂટની ઊંચાઈ પર તિરંગો ઝંડો ફરકાવ્યો હતો. ખેલ મંત્રાલય અને યુવા વિભાગ દ્વારા આરડીસી અને અધ્યક્ષ દાનહ સ્કાઉટ ગાઈડના દિશા-નિર્દેશમાં ‘હર ઘર તિરંગા’ અભિયાન અંતર્ગત દાનહ સ્કાઉટ ગાઈડ ફેલોશીપે ગંભીરગઢ ઉપર 2252 ફૂટની ઊંચાઈ પર દિપક પ્રજાપતિ અને શ્રુતિ મોર્યાંએ તિરંગો ફરકાવ્યો હતો. સ્કાઉટ ગાઈડના સ્વરૂપા શાહ અને રાહુલ શાહના નેતૃત્વમાં 37 સભ્યોએ ડોકમરડીથી બાઈક પર ‘હર ઘર તિરંગા’ રેલી કાઢી સેલવાસ, સામરવરણી, ડિયર પાર્ક, ખાનવેલ બટરફલાય પાર્ક, પ્રકૃતિ પથ, ઉદવાથી ગંભીરગઢ ઈકો ટુરીઝમ રેન્જ, દહાણુ ફોરેસ્ટથી 43 કિલોમીટર સુધીનું અંતર કાપી 2252 ફૂટની ઊંચાઈએ ગંભીરગઢના ખતરનાક રસ્તાની ચડાઈ કરી પૂર્ણ કર્યું હતું. એની સાથે સ્વરૂપા શાહ દ્વારા યોગા, અર્પિતા મિશ્રા અને ટીમ દ્વારા જુમ્બા પ્રકૃતિની સાથે ખોજ અને સાંસ્કૃતિક મનોરંજનનું પણ આયોજન કર્યું હતું.