(વર્તમાન પ્રવાહ વાપી બ્યુરો)
વાપી, તા.16
વાપી કન્નડ સંઘ દ્વારા 33મી આંતરશાળા વક્તૃત્વ અને ચર્ચા સ્પર્ધાનું આયોજન કરવામાં આવ્યું હતું. જેમા એકંદરે 20 જેટલી શાળાના વિદ્યાર્થીઓએ ભાગ લીધો હતો.
વાપીની શ્રી એલ.સીજ હરીઆ સ્કુલના વિદ્યાર્થીઓએ પણ તમામ જૂથોમાં ભાગ લીધો હતો. જેમાં ધોરણ 3 ની ઊમૈકા ભારદ્વાજ અને ધોરણ 5 ની આરાધ્યા તિવારીનો વક્તૃત્વ સ્પર્ધામાં 2જો નંબર આવ્યો હતો તથા ધોરણ 10 ના ધનંજય યાદવનો ચર્ચા સ્પર્ધામાં 2જો નંબર આવ્યો હતો. આ સાથે શ્રી એલ.જી. હરીઆ સ્કુલે ઓવરઓલ ચેમ્પિયનશીપ ટ્રોફી પણ જીતી હતી.
જ્ઞાનધામ શાળા દ્વારા આયોજિત આંતર શાળા હિન્દી વક્તૃત્વ સ્પર્ધામાં ધોરણ 4 ની કુ.અંજલિ શર્માએ પ્રથમ સ્થાન મેળવ્યું. મેનેજમેન્ટ આચાર્યશ્રી બીન્ની પોલએ અને સ્ટાફ દ્વારા વિદ્યાર્થીઓએ પ્રાપ્ત કરેલ સિધ્ધિ બદલ વિદ્યાર્થીઓ તથા ટીમને અભિનંદન પાઠવ્યા હતા.