(વર્તમાન પ્રવાહ ન્યુઝ નેટવર્ક)
પારડી, તા.17: દર વર્ષે શિક્ષણ વિભાગ ગુજરાત દ્વારા શિક્ષણની ગુણવત્તા સુધારણા સંદર્ભે ઉત્તમ શેક્ષણિક કાર્ય, શાળાકીય સહ અભ્યાસીક પ્રવૃતિ, નાવીન્ય પૂર્ણ પ્રયોગો અને સામાજિક ક્ષેત્રે ઉત્સાહ પૂર્વક સક્રિય યોગદાન બદલ શિક્ષકોની પસંદગી કરી તેમને શિક્ષણ વિભાગ ગુજરાત તરફથી પ્રતિભાશાળી શિક્ષક તરીકેના પ્રમાણપત્ર એનાયત કરવામાં આવે છે.
વર્ષ 2022-23 ના વર્ષમાં વાપી તાલુકામાં આવેલ તમામ પ્રાથમિક શાળા પૈકી કુલ 7 કેન્દ્રમાં વટાર કેન્દ્ર શાળામાંથી પ્રતિભાશાળી શિક્ષક તરીકે તેજસ્વી ગુલાબભાઈ પટેલની પસંદગી થતા તેમને 15 મી ઓગસ્ટ સ્વતંત્રતા દિવસે વાપી મામલતદાર કચેરી ખાતે મામલતદાર વાપીના હસ્તે પ્રમાણપત્ર આપી સન્માનિત કરવામાં આવ્યા હતા.
તેજસ્વીએ શાળા પરિવાર તથા સમગ્ર આદિવાસી સમાજનું ગૌરવ વધારતા તેમને શાળા તથા આદિવાસી સમાજે અભિનંદન પાઠવ્યા હતા. આ કાર્યક્રમમાં વાપીના મામલતદાર, ટીડીઓ, પોલીસ અધિકારીઓ, બીઆરસી તથા બલીઠા પ્રાથમિકશાળાના વિદ્યાર્થીનીઓ ઉપસ્થિત રહ્યા હતા.
