(વર્તમાન પ્રવાહ ન્યુઝ નેટવર્ક)
સેલવાસ,તા.18: કેન્દ્ર શાસિત પ્રદેશ દાદરા નગર હવેલી અને દમણ દીવના ખેલ અને યુવા વિભાગ સેલવાસ દ્વારા 75મા ભારતના આઝાદીના અમૃત મહોત્સવ અંતર્ગત ‘હર ઘર તિરંગા’ કાર્યક્રમના ઉપલક્ષમાં બે દિવસીય ઈન્ટર સ્કૂલ ઓપન ટગ ઓફ વોર અને લંગોરી પ્રતિયોગિતા-2022નું કોર એરિયા સ્ટેડીયમ ગ્રાઉન્ડ ખાતે આયોજન કરવામાં આવ્યું હતું. જેમાં સરકારી અને પ્રાઈવેટ સ્કૂલના બાળકોએ ભાગ લીધો હતો, જેમાં છોકરા છોકરીઓએ અલગ અલગ વર્ગમાં હરીફાઈ હતી. આ હરીફાઈમાં વિજેતા અને ઉપ વિજેતા ટીમને ટ્રોફી અને પ્રોત્સાહિત ઈનામ આપવામાં આવ્યા હતા.
