(વર્તમાન પ્રવાહ ન્યુઝ નેટવર્ક)
વલસાડ, તા.12: સ્ટેટ ઈમરજન્સી ઓપરેશન સેન્ટર, ગાંધીનગરથી મળેલી સૂચના મુજબ ભારતીય હવામાન વિભાગ દ્વારા વલસાડ જિલ્લામાં તા.13-04-2024 અને તા.14-04-2024ના રોજ કમોસમી વરસાદ પડવાની આગાહી કરવામાં આવી છે. જિલ્લામાં કમોસમી વરસાદની આગાહીને ધ્યાનમાં લઈ ખુલ્લામાં રહેલા ખેત પેદાશો તેમજ અનાજના જથ્થાને પરિવહન દરમિયાન કે ખેતીવાડી ઉત્પન્ન બજાર સમિતિમાં કે અન્ય કોઈપણ જગ્યાએ વરસાદનાકારણે નુકશાની ન થાય તે માટે જરૂરી વ્યવસ્થા કરવા તેમજ તે અંગે તકેદારીના પગલા લેવા માટે નિવાસી અધિક કલેક્ટરે અખબારી યાદીમાં જણાવ્યું છે.
