પારડી પોલીસે અપહરણ કરનારને જેલના હવાલે કરી સગીરાના વાલી-વારસને પુખ્ત બનેલ સગીરાનો દોઢ વરસના બાળક સાથે કબજો સોંપ્યો
પારડી તાલુકાના એક ગામમાંથી 2018માં ક્રિષ્નાપડા સહદેવ ચૌધરી ઉંમર વર્ષ 25 નામનો વ્યક્તિ એક સગીરાનું અપહરણ કરી ગયો હતો
(વર્તમાન પ્રવાહ ન્યુઝ નેટવર્ક)
પારડી, તા.08: નવા આવેલ વલસાડ જિલ્લા પોલીસ અધિક્ષક ડો.કરણરાજ વાઘેલા તથા નાયબ પોલીસ અધિક્ષક એ.કે. વર્મા દ્વારા આવા અપહરણ થયેલ સગીરો પ્રત્યે ગંભીરતા દાખવીને આવા કેસોને શોધી કાઢવાની આપેલ સૂચના અનુસાર પારડી પોલીસ સ્ટેશનના પીઆઈ બી.જે. સરવૈયાને પારડી પોલીસસ્ટેશન વિસ્તારમાંથી 2018માં એક સગીરાનુ અપહરણ થયેલ હોવાનું ધ્યાને આવતા તેઓએ આ કેસને ગંભીરતાથી લઈ વધુ તપાસને અંતે અપહરણ કરનાર હાલમાં વેસ્ટ બંગાળ ખાતે હોવાનું માહિતી પ્રાપ્ત થતા પારડી પોલીસ સ્ટેશનના પી.એસ.આઇ. ડી. એલ. વસાવાને વેસ્ટ બંગાળ ખાતે મોકલી અપહરણ કરનાર આરોપી ક્રિષ્નાપડા સહદેવ ચૌધરી. ઉંમર વર્ષ 25 રહે.કલજુરી ગામ, પોસ્ટ. છત્રકરણી તાલુકા જિલ્લા બાનકુરા, વેસ્ટ બંગાળની ધરપકડ કરી જે તે સમયની સગીરા આજે પુખ્ત વયની દોઢ વર્ષના બાળકની માતા બનેલની સાથે પારડી પોલીસ સ્ટેશન ખાતે લાવી જે તે સમયની સગીરાને પોતાના દોઢ વર્ષના બાળક સાથે એમના વાલીને સોંપી અપહરણ કરનાર કળષ્ણપડા સહદેવ ચૌધરીને અપહરણ, બળાત્કાર તથા પોસકો જેવી કલમો હેઠળ ધરપકડ કરી જેલ હવાલે કરી દીધો છે.
આમ પારડી પોલીસને પાંચ વર્ષ જુના અપરણ કેસમાં મોટી સફળતા પ્રાપ્ત થઈ છે.
