(વર્તમાન પ્રવાહ ન્યુઝ નેટવર્ક)
સેલવાસ, તા.22
સેલવાસ નરોલી રોડ પર આવેલ દમણગંગા નદીના ચેકડેમ નજીક સેલવાસના બે યુવાનો ન્હાવા માટે ગયા હતા. જેમાંથી એક યુવાન નદીમાં તણાઈ ગયો હતો.
પ્રાપ્ત વિગત અનુસાર અભિષેક અખિલેશ પાંડે (ઉ.વ.17) રહેવાસી બાલાજી ટાઉનશીપ, સેલવાસ જે એમના ઘરે આવેલ મહેમાનના દીકરા સાથે સેલવાસ નરોલી રોડ દમણગંગા નદી રિવરફ્રન્ટ નજીક ન્હાવા ગયા હતા. તે સમયે અભિષેક વધુ ઊંડાણવાળા પાણીમાં ગયો હતો. જેમાં એનુ નિયંત્રણ ન રહેતા ધસમસતા પાણીમાં તણાઈ ગયો હતો. આ ઘટનાની જાણ થતાં પોલીસ અને ફાયરની ટીમ તાત્કાલિક ઘટના સ્થળે પહોંચી હતી. બાદમાં યુવાનના પરિવારજનોને પણ જાણ કરવામાં આવી હતી. ફાયર વિભાગની ટીમે નદીમાં ભારે શોધખોળ કરી હતી પરંતુ યુવાન નદીમાંથી મળી આવેલ નથી.