સેકન્ડ ફેઈઝમાં આવેલી જાણીતી ફુડ કંપની શ્રીજી વેફરમાં ઘટેલી ઘટના
(વર્તમાન પ્રવાહ વાપી બ્યુરો)
વાપી, તા.24: વાપી જી.આઈ.ડી.સી. સેકન્ડ ફેઈઝમાં આવેલ એક ફુડ કંપની આજે બુધવારે મળસ્કે અચાનક ભિષણ આગ લાગતા અફરાતફરીનો માહોલ છવાઈ ગયો હતો. આગના ધુવાડા કિલોમીટર સુધીની રેન્જમાં વિસ્તરતા લોકો ઘરોની બહાર દોડી આવ્યા હતા.
વાપી જી.આઈ.ડી.સી. સી-ટાઈપ અને મોરારજી સર્કલ જેવા રહેણાંક વિસ્તારની લગોલગ આવેલ સેકન્ડ ફેઈઝ વિસ્તારમાં કાર્યરત શ્રીજી વેફર નામની સ્વીટ અને નમકીન બનાવતી જાણીતી કંપનીમાં આજે વહેલી સવારે ભિષણ આગ લાગી હતી. જી.આઈ.ડી.સી.ના બે ફાયર ફાઈટરો ઘટના સ્થળે પહોંચી આગ બુઝાવવાની જહેમત શરૂ કરી હતી. આગની વિકરાળતા એટલી બધી હતી કે તેના ધુવાડા મોરારજી સર્કલથી લઈ ખોડીયાળનગર છીરી રામનગર સુધી વિસ્તર્યા હતા તેથી લોકો ઘરની બહાર દોડી આવ્યા હતા. જો કે ફાયર વિભાગ એ બે-ત્રણ કલાકની જહેમત બાદ આગ પર કાબુ કરી લીધો હતો. આગમાં અન્ય કોઈ જાનહાની થવા પામેલ નથી.
