સમગ્ર પંથકમાં ઘેરા શોકની લાગણી
(વર્તમાન પ્રવાહ ન્યુઝ નેટવર્ક)
દમણ, તા.17: વાપી, વલસાડ અને સેલવાસમાં બિલ્ડીંગ વ્યવસાયમાં અગ્રેસર ગણાતા પ્રમુખ ગ્રુપના કર્તા-હર્તા અને ડાયરેક્ટરશ્રી દેવશીભાઈ લક્ષ્મણભાઈ ભાટુનું 55 વર્ષની વયે આજે સવારે જૂનાગઢ ખાતે આકસ્મિક નિધન થતાં સમગ્ર પંથકમાં ઘેરા શોકની લાગણી ફેલાઈ જવા પામી છે.
પ્રાપ્ત માહિતી પ્રમાણે સ્વ. દેવશીભાઈ લક્ષ્મણભાઈ ભાટુ ખુબ જ મૃદુભાષી, પરોપકારી અને સમાજસેવામાં હંમેશા મોખરે રહેતા હતા. તેમના આકસ્મિક નિધનથી પ્રમુખ ગ્રુપ અને ભાટુ પરિવારે પોતાના એક દીર્ઘદૃષ્ટા સાથીને ગુમાવ્યો છે.