રેસ્ક્યુ ઓપરેશન કરી ડ્રાઈવરને સારવાર માટે ખસેડાયો
(વર્તમાન પ્રવાહ વાપી બ્યુરો)
વાપી, તા.28: વાપી ચણોદ વિસ્તારમાં આવેલ માતાજી મંદિર પાસે શનિવારે અગિયાર વાગ્યાના સુમારે એક ટેમ્પોમાં રિવર્સ કરતા આગ લાગી હતી. ટેમ્પો ઈલેક્ટ્રીક થાંભલાને અથડાતા ડ્રાઈવરને કરંટ લાગ્યો હતો.
વાપી ચણોદ ગામમાં આવેલ માતાજીના મંદિર પાસે એક આઈશર ટેમ્પાનો ચાલક સવારે 11 વાગ્યાના સુમારે ટેમ્પો રિવર્સ મારી રહ્યો હતો ત્યારે ધડાકાભેર અતડાતા ટેમ્પોમાં અચાનક આગ લાગી હતી. તેમજ કરંટ પ્રવાહ વહેતો થતા ચાલકને કરંટ લાગ્યો હતો. ચાલક કરંટ લાગવાથી ફેંકાઈ ગયો હતો. ફાયર બ્રિગેડની ટીમે ટેમ્પોની આગ બુઝાવી અને ડ્રાઈવરનું રેસ્ક્યુ કરીને સારવાર માટે ખસેડાયો હતો.
