(વર્તમાન પ્રવાહ ન્યુઝ નેટવર્ક)
વલસાડ, તા.05
વલસાડ જિલ્લાના કપરાડા તાલુકાના મોટાપોંઢા ખાતે આવેલી શ્રી મુમ્બાદેવી આર્ટસ એન્ડ શ્રીમતી એસ. આર. ચમારિયા કોમર્સ કૉલેજમાં ચર્ચાસભાના ઉપક્રમે શિક્ષક દિનની ઉજવણીના આ કાર્યક્રમન પ્રારંભે ઇન્ચાર્જ આચાર્યશ્રી ડૉ. એસ.યુ.પટેલે પ્રાસંગિક ઉદબોધન કર્યું હતું. ડૉ. રાધાકૃષ્ણન સર્વપલ્લી વિશે ઈશા રોહિતે સરસ રીતે વાતો રજૂ કરી હતી. પ્રા. ડૉ. અલકાબેન પટેલે એક પ્રેરક ગીત ગાયું હતું. મોટાપોંઢા કૉલેજ છેલ્લાં 4 વર્ષથી પૂર્વવિદ્યાર્થીઓ જેઓ શિક્ષણ ક્ષેત્રે વિશિષ્ટ સિદ્ધિ પ્રાપ્ત કરી કૉલેજનું નામ રોશન કરી રહ્યાં છે તેમને આમંત્રી શિક્ષક દિનની ઉજવણી કરે છે. આ કાર્યક્રમના ભાગરૂપે પ્રા. ડૉ. ધર્મેશ પટેલ (ગવર્મેન્ટ કૉલેજ, ભીલાડ), અજયભાઈ પટેલ (પ્રાથમિક શાળા, મોટાપોંઢા), ડૉ. મેઘના પટેલ (પ્રાથમિક શાળા, વાપી ટાઉન) ઉપસ્થિત રહ્યાં હતાં. તેમનાં વક્તવ્યમાં શિક્ષક દિનનો મહિમા, શિક્ષકોની ભૂમિકા તથા કૉલેજના સંસ્મરણો તાજા થયા હતા. તેમણે વિવિધ ઉદાહરણોથી વિદ્યાર્થીઓને પ્રોત્સાહન પૂરું પાડ્યું હતું. પ્રા.વી.એન. દેસાઈ તથા ડૉ. આશા ગોહિલના આયોજનમાં 40 જેટલાં વિદ્યાર્થીઓએ શિક્ષકની ભૂમિકા અદા કરી ઉમળકાભેર શિક્ષકદિનની ઉજવણી કરી હતી. આ કાર્યક્રમનું સંચાલન ચર્ચાસભાના અધ્યક્ષશ્રી ડૉ. આશા ગોહિલ તથા પનીતા રોહિતે કર્યું હતું.