વાપીમાં એલ.આઈ.સી.ના 1300 જેટલા એજન્ટો કાર્યરત છે
(વર્તમાન પ્રવાહ વાપી બ્યુરો)
વાપી, તા.05: આજકાલ આંદોલનનો દોર ચાલી રહ્યો છે. સરકારી કર્મચારીઓ બાદ એલ.આઈ.સી. એજન્ટોએ આંદોલનનું રણશિંગુ ફુંક્યુ છે. આજે સોમવારે વાપી એલ.આઈ.સી. કચેરી પાસે વિવિધ માંગણીઓ માટે એક દિવસની હડતાલ પાડી આંદોલનનો માર્ગ અખત્યાર કર્યો હતો.
વાપી એલ.આઈ.સી. કચેરી સામે સુરત-વાપીના એલ.આઈ.સી. એજન્ટો આજે હડતાલ પાડી હતી. કામકાજથી અગળા રહી કોઈપણ પ્રિમિયમ આજે ભરવાની કામગીરીથી દૂર રહ્યા હતા. એલ.આઈ.સી. એજન્ટોને પૂછપરછ કરતા તેમણે જણાવેલ માંગણીઓ મુજબ પોલીસ હોલ્ડરોનું લાંબા સમયથી બોનસ વધારવામાં નથી આવતું. તેમજ એજન્ટના કમિશનમાં ઘટાડો કરવામાં આવી રહ્યો છેતેમજ એલ.આઈ.સી. હોલ્ડરો પાસેથી કમિશનમાં કાપ મુકવાનું જણાવી રહી છે. અમુક બાબતો એલ.આઈ.સી.ની એવી છે કે પોલીસી ધારકો ઉપર બર્ડન વધઈ રહ્યું છે. જેમ કે પોલીસ ઉપર જી.એસ.ટી. ચાર્જ થઈ રહ્યો છે તે ના થવો જોઈએ. એજન્ટોએ પી.એફ. વિગેરેના લાભ નથી અપાતા. આવી માંગણીઓ આધિન એજન્ટોએ આજે હડતાલ પાડી હતી તેમજ ઓફીસના તમામ કામકાજોથી વેગળા રહીને પોતાનો વિરોધ નોંધાવ્યો હતો.
