(વર્તમાન પ્રવાહ ન્યુઝ નેટવર્ક)
સેલવાસ, તા.22 : દાદરા નગર હવેલી અને દમણ-દીવ પોલીસ વિભાગ માટે પોલીસ ટ્રેનિંગ સ્કૂલ દ્વારા રાષ્ટ્રીય રક્ષા યુનિવર્સિટી ગાંધીનગરના સહયોગ દ્વારા ઈલેક્શન લોરોલ ઓફ પોલીસ સંદર્ભે બે દિવસીય ટ્રેનિંગ કાર્યક્રમનું આયોજન કલા કેન્દ્ર સેલવાસ ખાતે આયોજીત કરવામાં આવ્યો હતો. જેમાં ખાસ ગાંધીનગર યુનિવર્સિટીની ટીમ દ્વારા પોલીસ અધિકારીઓને ચૂંટણી દરમ્યાન કરવામાં આવતી કામગીરી અને ઈલેક્શનલો અંગે જાણકારી આપવામાં આવી હતી. આ અવસરે દાદરા નગર હવેલી અને દમણ દીવના પોલીસ અધિકારીઓ, કર્મચારીઓ ઉપસ્થિત રહ્યા હતા.
