ધરમપુર કેળવણી ગામથી વાનમાં બેસી ચાર યુવાનો દમણ નોકરી જતા હતા : સેલવાસ પાર્સીંગની વાન ભટકાતા અકસ્માત
(વર્તમાન પ્રવાહ વાપી બ્યુરો)
વાપી, તા.09: ધરમપુરના કેળવણી ગામથી નિયમિત વાનમાં બેસી નોકરી જતા ચાર યુવાનોની વાન સાથે ઓરવાડ પરીયા રોડ ઉપર સામે આવતી વાન ભટકાતા અકસ્માત સર્જાયો હતો. અકસ્માતમાં ચાર યુવાનો ઘાયલ થતા સારવાર માટે ખસેડાયા હતા.
ધરમપુર કેળવણી ગામમાં રહેતો આશિષ જયરામ પટેલ દમણ ઝુબેલ કંપનીમાં નોકરી જવા આજે શુક્રવારે સવારે વાન નં.જીજે 15 સીબી 8614માં સાથે કામ કરતા અન્ય ત્રણ યુવાનો સાથે નિકળ્યા હતા. પરીયા ઓરવાડ રોડ ઉપર ક્વોરી નજીક સામે આવી રહેલ ડી.એન.09 એચ 0692ના ચાલકે પુરઝડપે આવી વાન સાથે અથડાઈ હતી. અકસ્માતમાં ધરમપુરના હિતેશ બાબલાભાઈ, ભગુભાઈ ગાવિત નરેન્દ્ર જીતેશ ગારીયા અને આશિષ એમ ચારેય ઘાયલ થયા હતા. તમામને મોહન દયાળ હોસ્પિટલમાં સારવાર માટે ખસેડાયા હતા. આશિષે અકસ્માત કરી ભાગી છુટેલ સેલવાસ પાસીંગના કાર ચાલક વિરૂધ ફરિયાદ નોંધાવી હતી.
