વી.આઈ.એ., સાંસદ અને ઝેડઆરયુસી મેમ્બરની રજૂઆત રેલવે મંત્રીએ સ્વિકારી
(વર્તમાન પ્રવાહ વાપી બ્યુરો)
વાપી, તા.20: વાપી રેલવે સ્ટેશને એક વધુ એક્સપ્રેસ ટ્રેનનું સ્ટોપેજ મળ્યું. આગામી સમયથી બાંદ્રા-ભુસાવળ-ખાનદેશ એક્સપ્રેસ ટ્રેન વાપીમાં થોભશે.
વાપી ઔદ્યોગિક વસાહત તેમજ સંઘપ્રદેશ દમણ-દાનહમાં ખાનદેશ વિસ્તારનાહજારો લોકો વ્યવસાય, નોકરી ધંધાર્થે અહીં સ્થાયી થયા છે. તેવા લોકોને વતન ખાનદેશ તરફ જવા માટેની તકલીફનો અંત આવ્યો છે. વાપી વી.આઈ.એ. તથા સાંસદ ડો.કે.સી. પટેલ, ઝેડ.આર.યુ.સી. મેમ્બર લાંબા સમયથી ખાનદેશ એક્સપ્રેસ ટ્રેનને વાપીને સ્ટોપેજ મળે તેવી રજૂઆત અને લડત કરી રહ્યા હતા. આ લડત અંતે સફળ થઈ છે. રેલવે મંત્રીએ બાંદ્રા-ભુસાવલ ખાનદેશ એક્સપ્રેસ ટ્રેનનું વાપી સ્ટોપેજ મંજુર કર્યું છે. ખાનદેશ વિસ્તારમાં રહેતા પરિવારો અને મુસાફરોએ આ નિર્ણયને આવકાર્યો હતો.