વલસાડ જિલ્લા ભારતીય મજદુર સંઘના નેજા હેઠળ રેલી યોજાઈ
(વર્તમાન પ્રવાહ વાપી બ્યુરો)
વાપી, તા.12: વલસાડ જિલ્લામાં કાર્યરત આંગણવાડીઓમાં ફરજ બજાવતી કર્મચારી બહેનોની પડતર માંગણીઓનો લાંબા સમયથી ઉકેલ નહી આવતા આજે સોમવારે બહેનોએ રેલી યોજી હતી. સુત્રોચ્ચાર સાથે યોજાયેલ રેલી કલેક્ટર કચેરીએ પહોંચી હતી. આઈ.સી.ડી.એસ. ઓફીસરનેઆવેદનપત્ર સુપરત કર્યું હતું.
લાંબા સમયથી જિલ્લાની આંગણવાડીમાં ફરજ બજાવી રહેલી બહેનો તેમની માંગણી અંગે લડત ચલાવી રહી છે. કર્મચારી તરીકેનો દરજ્જો અને વેતન માટેની માંગણી અંગે બહેનો લડત ચલાવી રહી છે. પરંતુ ઉકેલ કે કોઈ સમાધાન સરકાર તરફથી નહી મળતા આજે સોમવારે વલસાડ જિલ્લા મજદુર સંઘની આગેવાની હેઠળ વલસાડમાં રેલી યોજી હતી. રેલીમાં સેંકડો બહેનો ઢોલ સાથે જોડાઈ હતી. જિલ્લા પંચાયત અને કલેક્ટર કચેરીએ પહોંચી આઈ.સી.ડી.એસ. ઓફીસરને આવેદનપત્ર પાઠવ્યું હતું. તેમજ જણાવ્યું હતું કે, અમારી માંગણીઓનો ઉકેલ નહી આવે તો અમારું આંદોલન આગામી સમયે પણ ચાલું રહેશે.
—–
