(વર્તમાન પ્રવાહ વાપી બ્યુરો)
વાપી, તા.15: વાપી અને આણંદના સામાજીક કાર્યકર રાજુભાઈ હાલાણીની તાજેતરમાં ગુજરાત વકફ બોર્ડ મેમ્બર તરીકે વરણી કરવામાં આવી છે.
વાપીમાં સામાજીકસેવાઓ અવિરત કરતા રહેલા શ્રી રાજુભાઈ હાલાણી વિવિધ સ્કૂલોમાં પણ માતબર દાન આપતા રહેલા છે. ડુંગરા સ્કૂલમાં પણ તેમણે દાન કર્યું છે. વાપી વિસ્તારમાં સમાજ માટે સદાય તત્પરતા દાખવનાર રાજુભાઈ હાલાણીની વરણી ગુજરાત વકફ બોર્ડ મેમ્બરમાં થતા ચોમેરથી અભિનંદન મળી રહ્યા છે. તેમના ગુરુબંધુ બદરૂભાઈ હાલાણી પણ સમાજ સેવામાં અગ્રણી ભાગ ભજવતા આવ્યા છે. વાપી શહેર માટે રાજુભાઈની વરણી ગૌરવ સમાન બની રહી છે.
