(વર્તમાન પ્રવાહ ન્યુઝ નેટવર્ક)
ચીખલી (વંકાલ), તા.16
બનાવની પોલીસ મથકેથી પ્રાપ્ત માહિતી અનુસાર ચીખલી પોલીસ રાનકુવા વિસ્તારમાં પેટ્રોલિંગમાં હતી દરમ્યાન બાતમી મળી હતી કે, બોડવાંક ભગત ફળીયા ખાતે રહેતા વિનોદ છનાભાઈ પટેલ પોતાના ઘરે વિદેશી દારૂનું વેચાણ કરે છે. જે બાતમીના આધારે ચીખલી પોલીસે રેડ કરતા ઘરની બાજુમાં આવેલ કોઢારામાં તપાસ કરતા જ્યાં 9-પુઠાના બોક્ષમાં કુલ નંગ-432 ઈંગ્લીશ દારૂની બોટલ જેની કિં. રૂા.25,920/- મળી આવતા જે અંગે પાસ પરમીટ માંગતા ન હોવાનું જણાવતા પોલીસેવિનોદ છના પટેલની ધરપકડ કરી હતી.જ્યારે દારૂનો જથ્થો મંગાવનાર પ્રવીણ ધો.પટેલ (રહે.ખરવણ ભાઠ ફળીયા તા.મહુવા જી.સુરત) તેમજ દારૂનો જથ્થો લઈ જનાર અનિલ છગન પટેલ (રહે.તરસાડી ગામ તા.મહુવા જી.સુરત) એમ બે ને પોલીસે વોન્ટેડ જાહેર કરી વધુ તપાસ રાનકુવા પોલીસ ચોકીના પીએસઆઇ પી.વી.વસાવા કરી રહ્યા છે.
