પ્રધાનમંત્રી નરેન્‍દ્રભાઈ મોદીના જન્‍મ દિવસ અને આંતરરાષ્‍ટ્રીય કોસ્‍ટલ ક્‍લીનઅપ-ડે નિમિત્તે યોજાયેલ સ્‍વચ્‍છતા અભિયાનમાં દમણ જિલ્લા ભાજપ પ્રમુખ અસ્‍પી દમણિયાએ ટીમ સાથે લીધેલો ભાગ

(વર્તમાન પ્રવાહ ન્‍યુઝ નેટવર્ક)
દમણ, તા.17: આજે પ્રધાનમંત્રી શ્રી નરેન્‍દ્રભાઈ મોદી 72મા જન્‍મદિવસ અને આંતરરાષ્‍ટ્રીય કોસ્‍ટલ ક્‍લીનઅપ-ડે નિમિત્તે વહીવટીતંત્ર દ્વારા દમણના કોસ્‍ટલ એરિયા, દેવકાથી લઈને જમપોર દરિયા કાંઠા સુધી સ્‍વચ્‍છતા અભિયાનનો કાર્યક્રમ યોજવામાં આવ્‍યો હતો.
આ પ્રસંગે દમણ જિલ્લા ભાજપ પ્રમુખ અને દમણ નગર પાલિકા વોર્ડ નં.7ના કાઉન્‍સિલર શ્રી અસ્‍પી દમણિયા તેમના વોર્ડના રહેવાસીઓ, જિલ્લાની ટીમ અને મંડળની ટીમે પોઈન્‍ટ નંબર 24 ખાતે આ સ્‍વચ્‍છતા અભિયાનમાં ઉત્‍સાહપૂર્વક ભાગ લીધો હતો. પ્રધાનમંત્રી શ્રી નરેન્‍દ્રભાઈ મોદીના જન્‍મ દિવસની ઉજવણી એક અભિયાન તરીકે ઉજવવામાં આવી હતી. આ અભિયાનમાં તેમની સાથે મળીને 2પ0 લોકોની ટીમે બીચ પર કચરાની કુલ 81 થેલીઓ એકઠી કરી હતી.