(વર્તમાન પ્રવાહ ન્યુઝ નેટવર્ક)
સેલવાસ,તા.20: દાદરા નગર હવેલીના રખોલી ગામે એક દુકાનમાં તોડફોડ કરી આગ લગાડી રોકડ રકમની ચોરી કરનાર બે આરોપીઓની ધરપકડ કરવામાં આવી છે. ગત 17 સપ્ટેમ્બરના રોજ રખોલી પટેલપાડા સ્થિત સિંહ કિરાણા સ્ટોરના સિમેન્ટના શેડ તોડી અંદર પ્રવેશ કરી રોકડ રકમ ચાર હજાર રૂપિયા લઈ બાદમાં દુકાનને આગ લગાડી અને કિરાણાના સામાન 30,850 રૂપિયાનો જેને પણ નુકસાન પહોંચાડી હતી.
આ ઘટના અંગેની ફરિયાદ દુકાનના માલિક આપી હતી જેના આધારે પોલીસે આઈપીસી 457, 380, 436, 427 મુજબ ગુનો નોંધી પીએસઆઈ શ્રી અનિલ ટીકે, શ્રી પીએસઆઈ શ્રી નિલેશ કાટેકર અને એમની ટીમે તપાસ હાથ ધરી હતી. આરોપી હિતેશ ઉર્ફે લાલુ મોહન પટેલ (ઉ.વ.23) રહેવાસી જરીપાડા- સાયલીની તા. 18 સપ્ટેમ્બરના રોજ ધરપકડ કરવામાં આવી હતી. જેણેકબુલ કર્યું હતું કે એના મિત્ર જીતેશ પ્રવીણભાઈ પટેલ જે દુકાનના માલિક છે જેની ફરિયાદી સાથે વ્યક્તિગત દુશ્મની હતી જેથી બન્ને જણા મળીને આરોપી હિતેશ ઉર્ફે લાલુ મોહન પટેલની દુકાનમાં આગ લગાવી દીધી હતી. ત્યારબાદ પોલીસે આરોપી જીતેશ પ્રવીણભાઈ પટેલ(ઉ.વ.32)રહેવાસી રખોલી જેની પણ ધરપકડ કરવામાં આવી છે.
