(વર્તમાન પ્રવાહ ન્યુઝ નેટવર્ક)
સેલવાસ,તા.22: સંઘપ્રદેશ દાદરા નગર હવેલી અને દમણ દીવના પ્રશાસક પ્રફુલભાઈ પટેલના નેતૃત્વમાં અને જિલ્લા પંચાયતના મુખ્ય અધિકારીના માર્ગદર્શનમાં દાનહના સાયલી ડુંગરપાડા શાળા નજીક ‘સ્વચ્છતા હી સેવા’ અભિયાન અંતર્ગત સાફ-સફાઈ માટેનું કાર્ય હાથ ધરવામાં આવ્યું હતું. જેમાં દરેકને શપથ લેવડાવ્યા હતા અને હવન પણ કરવામાં આવ્યો હતો. આ પખવાડિયા દરમ્યાન વિવિધ પ્રકારના કાર્યક્રમ જેવા કે, શ્રમદાન, સ્વચ્છતા કાર્યક્રમ, સુવિચાર લખવા, સરકારી શાળાઓમાં સાફ-સફાઈ, વૃક્ષારોપણ, સરકારી હોસ્પિટલોમાં સાફ-સફાઈ જેવા કાર્યક્રમોનું આયોજન કરવામાં આવશે. આજે યોજાયેલા સ્વચ્છતા અભિયાનમાં સાયલી ગામના સરપંચશ્રી, જિલ્લા પંચાયતના સભ્યશ્રી, આંગણવાડી કાર્યકર્તાઓ, પીએચસીના ડોક્ટર અને ગ્રામજનો ઉપસ્થિત રહી સ્વચ્છતા માટે સાફ-સફાઈ કરી હતી.