(વર્તમાનપ્રવાહ ન્યુઝ નેટવર્ક)
દમણ, તા.22: નવી દિલ્હીમાં આયોજીત રાષ્ટ્રીય સ્તરના ઈન્સ્પાયર એવોર્ડ માનક સ્પર્ધામાં સરકારી માધ્યમિક શાળા કચીગામની વિદ્યાર્થીની કુ.નેહા ગણેશ સિંહે પારમેબલ (અભેદ્ય) કોંક્રિટ સાયન્સ પ્રોજેક્ટ રજૂ કરી પોતાની શાળાનું ગૌરવ વધાર્યું છે. આ પ્રોજેક્ટ બનાવવા માટે એમના ગાઈડ ટીચર શ્રીમતી દેવલ વી. પટેલે તેમનું માર્ગદર્શન કર્યું હતું અને શાળાના પ્રિન્સિપાલ શ્રી અશ્વિનભાઈ આર. પટેલે તેમનું ઉત્સાહવર્ધન કર્યું હતું. કુ. નેહા ગણેશ સિંહના એસ્કોર્ટ ટીચર તરીકે શ્રી નેહલ ડી. ગોહિલે પોતાનું યોગદાન આપ્યું હતું.
નવી દિલ્હીમાં સમગ્ર દેશમાંથી આવેલા 1000 જેટલા બાળકોએ પોતાના પ્રોજેક્ટો રજૂ કર્યા હતા. જેમાં દમણ-દીવના પાંચ પ્રોજેક્ટને સ્થાન મળ્યું હતું. આ સ્પર્ધા 14 સપ્ટેમ્બરથી 16 સપ્ટેમ્બર સુધી યોજાઈ હતી.
