(વર્તમાન પ્રવાહ ન્યુઝ નેટવર્ક)
સેલવાસ,તા.11: દાદરા નગર હવેલી અને દમણ દીવ ખેલ અને યુવા વિભાગ દ્વારા ઓપન લેવલ કરાટે સ્પર્ધાનું આયોજન સ્પોર્ટ્સ કોમ્પ્લેક્ષ સેલવાસ ખાતે કરવામાં આવ્યું હતું. જેમાં પુરુષ અને મહિલા માટે અલગ અલગ સ્પર્ધા રાખવામાં આવી હતી. આ સ્પર્ધામાં પ્રથમ દ્વિતીય તૃતીય અને ચોથા ક્રમે રહેલા વિજેતાઓને મેડલ આપીને સન્માનિત કરવામાં આવ્યા હતા. આ સાથે નેશનલ ઓપન કરાટે ટુર્નામેન્ટ-2022નું વલસાડમાં આયોજન કરવામાં આવ્યું હતું. જેમાંસંઘપ્રદેશ દાદરા નગર હવેલી અને દમણ દીવ ખેલ અને યુવા વિભાગ દ્વારા સેલવાસથી 34 મહિલા અને પુરુષ ખેલાડીઓએ ભાગ લીધો હતો અને સૌથી વધુ 62 મેડલો પ્રાપ્ત કરીને સંઘપ્રદેશનું ગૌરવ વધાર્યુ હતું. જેઓને પુરસ્કાર આપી સન્માનિત કરવામાં આવ્યા હતા.
