અકસ્માતમાં કલાકો ટ્રાફિક જામ રહેતા ત્રણ એમ્બ્યુલન્સ પણ ટ્રાફિકમાં અટવાઈ પડી હતી
(વર્તમાન પ્રવાહ વાપી બ્યુરો)
વાપી, તા.11: કપરાડા-નાસિક રોડ ઉપર આવતો કુંભઘાટ અકસ્માત ઝોન બની ચુકેલો છે. સરેરાશ સપ્તાહમાં બે ઉપરાંત અકસ્માતની ઘટનાઓ નિરંતર ઘટતી જ રહે છે. આજે કુંભઘાટના જોખમી વળાંકોમાં ટ્રક ચાલકે કાબુ ગુમાવતા ટ્રક પલટીમારી ગઈ હતી. અકસ્માતને લઈ કલાકો ટ્રાફિક જામ રહ્યો હતો.
કપરાડા-નાસિક સ્ટેટ હાઈવે ઉપર આવતો કુંભઘાટ એટલો બધો જોકમી વળાંક અને ઢોલાવો વાળો રોડ હોવાથી અવાર-નવાર ટ્રક પલટવાના કે ભટકાવાના વારંવાર બનાવો બનતા રહે છે. આજે મંગળવારે કુંભઘાટ ઉપર સ્ટેરીંગ ઉપરથી કાબુ ગુમાવતા ટ્રક પલટી મારી ગઈ હતી. તેથી વાહનોની કતારો લાગી જતા ટ્રાફિક સર્જાયો હતો. ટ્રાફિકમાં ત્રણ એમ્બ્યુલન્સ પણ ફસાઈ ગઈ હતી. કપરાડા પોલીસે બે ક્રાઈનની મદદથી ટ્રકને સાઈડીંગ કરી ટ્રાફિક રાબેતા મુજબ કર્યો હતો. કુંભઘાટ માટે આવી ઘટનાઓનો રોજીંદો ક્રમ બની ચૂક્યો છે.