November 28, 2025
Vartman Pravah
Breaking Newsગુજરાતડિસ્ટ્રીકટદેશનવસારીપારડીવલસાડવાપી

વલસાડ હાઈવે ઉપર એલ.સી.બી.એ ફિલ્‍મી ઢબે કારનો પીછો કરી 250 કિ.ગ્રા. ગાંજાનો જથ્‍તો પકડયો

પોલીસે ગાંજા અને કાર સહિત 40 લાખનો મુદ્દામાલ જપ્ત કર્યો : ચાલક કાર છોડી ઝાડીમાં ફરાર થઈ ગયો

(વર્તમાન પ્રવાહ વાપી બ્‍યુરો)
વાપી, તા.16: વલસાડ એલ.સી.બી. ટીમે પારડી હાઈવેથી કારનો પીછો કરી ધમડાચી પીરૂ ફળીયા પાસે ગાંજાનો જથ્‍થો ભરેલ કારને ઝડપી પાડયો હતો. કાર ચાલક કાર બિનવારસી છોડી ઝાડીમાં ફરાર થઈ ગયો હતો.
પ્રાપ્ત વિગતો અનુસાર વલસાડ એલ.સી.બી. પી.આઈ. વી.બી. બારડને બાતમી મળી હતી કે મુંબઈ તરફથી નંબર પ્‍લેટ વગરની કાર ગાંજાનો જથ્‍થો ભરી સુરતતરફ જઈ રહી છે તેથી પોલીસે પારડી હાઈવે ઉપર વોચ ગોઠવી હતી. શનિવારે મળસ્‍કે બાતમી વાળી કાર આવતી જણાતા પોલીસે અટકાવવાની કોશિષ કરી હતી પરંતુ કાર ચાલક કારને ભગાડી ગયો હતો. પોલીસે ફિલ્‍મી ઢબે કારનો પીછો કર્યો હતો. અંતે કાર ચાલક વલસાડ ધમડાચી ફળીયા પાસે કારને છોડીને ઝાડીમાં ફરાર થઈ ગયો હતો. કારમાં તપાસ કરતા 125 પેકેટોમાં ભરેલ ગાંજાનો જથ્‍થો મળી આવ્‍યો. પોલીસે 21.43 લાખનો ગાંજો અને કાર મળીને 40 લાખનો મુદ્દામાલ જપ્ત કરી આગળની તપાસ ટેકનિકલ સર્વેલન્‍સ અને સીસીટીવી ફૂટેજ આધારે શરૂ કરી હતી. જેમાં તપાસમાં બહાર આવ્‍યું છે કે કારના વિમા પોલીસીના કાગળો જોતા કારનો માલિક ગંગાપુર (રાજસ્‍થાન)નો મુકેશ હોવાનું બહાર આવ્‍યું છે. ઓરિસ્‍સા, એમ.પી., આંધ્ર જેવા રાજ્‍યોમાંથી હાઈવે દ્વારા ગાંજો ગુજરાતમાં, રાજસ્‍થાનમાં ઘુસાડવાના પ્રયાસ ભૂતકાળમાં પણ થતા રહેલા છે.

Related posts

ભગવાન શ્રીકળષ્‍ણ વિશે આપત્તિજનક પોસ્‍ટ કરનારા ધરમપુર તાલુકાના તુંબી ગામના દંપતિ સામે કાર્યવાહી કરવા માંગ

vartmanpravah

જિલ્લા રોજગાર કચેરી દ્વારા પારડીખાતે તા.30 સપ્‍ટેમબરના રોજ રોજગાર ભરતી મેળો યોજાશે

vartmanpravah

ચીખલીના ફડવેલ ગામે સામાન્‍ય વરસાદમાં પણ નાવણી નદી પરના ડૂબાઉ કોઝ-વેથી લોકોને પડતી ભારે હાલાકી

vartmanpravah

હવે સંઘપ્રદેશના અધિકારીઓના વર્ક કલ્‍ચરમાં પણ આવેલું પરિવર્તનઃ ઉચ્‍ચથી માંડી નિમ્‍ન કક્ષાના સુધીના અધિકારીઓ ફિલ્‍ડમાં જતા થયા છે

vartmanpravah

સરીગામ નજીકના ગામની યુવતી સાથે લગ્નની લાલચે દુષ્‍કર્મ આચરનાર યુવાન સામે ગુનો દાખલ

vartmanpravah

શ્રી સ્‍વામિનારાયણ ગુરુકુળ સલવાવ દ્વારા ભગવાન શ્રી રામની શોભાયાત્રા

vartmanpravah

Leave a Comment