(વર્તમાન પ્રવાહ ન્યુઝ નેટવર્ક)
દમણ, તા.17 : દમણના પ્રખ્યાત જમ્પોર બીચ ઉપરથી રવિવારના સાંજે બાઈક ચોરી થઈ હોવાની ઘટના પ્રકાશમાં આવી છે. બાઈક ચાલકે ચોરી અંગેની ફરિયાદ નોંધાવતા પોલીસેગુનો નોંધી આગળની તપાસ શરૂ કરી દીધી છે.
પ્રાપ્ત માહિતી મુજબ જયનેશ સુરેશ વારલી તેની બાઈક નં. ડીડી-03 જી-4574ને રવિવારની સાંજે મોટી દમણના જમ્પોર બીચ પર પાર્કિંગ કરી હતી. આ દરમિયાન કોઈક અજાણ્યો વ્યક્તિ બાઈક ચોરી ગયો હતો. બાઈક ચોરીની સમગ્ર ઘટના સીસીટીવી કેમેરામાં કેદ થયેલ છે. મોટરસાયકલ ચાલક જયનેશ સુરેશ વારલીએ પોતાનું વાહન ચોરાયું હોવાની ફરિયાદ કોસ્ટલ પોલીસ મથકમાં નોંધાવી છે. સાથે સીસીટીવી ફૂટજ પણ પોલીસને ઉપલબ્ધ કરાવ્યા છે. આ અંગે પોલીસે ગુનો નોંધી આગળની તપાસ શરૂ કરી છે.