November 30, 2025
Vartman Pravah
Breaking Newsગુજરાતચીખલીડિસ્ટ્રીકટનવસારીપારડીવલસાડવાપી

ચીખલીના ઘેજ ગામે કપિરાજ પાંજરે પુરાતા સ્‍થાનિકોમાં રાહત

(વર્તમાન પ્રવાહ ન્‍યુઝ નેટવર્ક)
ચીખલી(વંકાલ), તા.18: ચીખલી તાલુકાના ઘેજ ગામે ભરડા-નિશાળ ફળીયા વિસ્‍તારમાં છેલ્લા દોઢેક માસ પૂર્વે એક કપિરાજ આવી પહોંચ્‍યો હતો. શરૂઆતમાં ઝાડો પર અને ઘરની છત પર આંટા ફેરા કર્યા બાદ કપિરાજની મસ્‍તી વધતા તે લોકોના ઘરમાં પણ આવી જઈ મોબાઈલ ફોન, સૂકવવા નાંખેલ કપડાં વિગેરે પણ ઉપાડી વેરવિખેર કરતા સ્‍થાનિકોમાં ભયનો માહોલ સર્જાયો હતો. આ ઉપરાંત છત ઉપર કુંદકા મારતા છતના નળીયા, સિમેન્‍ટના પતરા વિગેરેને પણ નુકશાન થતા આ અંગેની જાણ સ્‍થાનિકો દ્વારા કરાતા વન વિભાગ દ્વારા ભરડા નિશાળ ફળીયામાં નિવૃત શિક્ષક ખાલપભાઈ ઝીણાભાઈના ઘર પાસે થોડા દિવસ પૂર્વે પાંજરૂ ગોઠવવામાં આવ્‍યું હતું અને પાંજરામાં કપિરાજ માટે ફળ મુકવામાં આવ્‍યા હતા. આ દરમ્‍યાન મંગળવારના રોજ વહેલી સવારે કપિરાજ પાંજરે પુરાતા ચીખલી વન વિભાગની રેંજ કચેરીના માર્ગદર્શન હેઠળ નવસારીની વાઈલ્‍ડ લાઈફ વેલ્‍ફેર ફાઉન્‍ડેશન નવસારીના હિમલ મહેતા સોલધરાના ધર્મેશભાઈ સહિતનાઓએ સલામત રીતે કપિરાજને રેસ્‍કયુ કરી જંગલમાં છોડવાની તજવીજ હાથ ધરીહતી.નિશાળ ફળીયામાં -ાથમિક શાળા પણ હોય બાળકોમાં ભય ફેલાયો હતો. કપિરાજ પાંજરે પુરાતા બાળકો સહિતના સ્‍થાનિકોને મોટી રાહત થવા પામી હતી.

Related posts

વાપીમાં આજે વિવિધ હનુમાન મંદિરોમાં હનુમાન જન્‍મોત્‍સવની ઉજવણી થશે

vartmanpravah

વલસાડ જિલ્લામાં ગણપતિની ૯ ફૂટથી વધુ ઊંચાઈની મૂર્તિ બનાવવા અને વેચાણ કરવા પર પ્રતિબંધ: પી.ઓ.પી.ની મૂર્તિઓનું કૃત્રિમ તળાવમાં જ વિસર્જન કરવું

vartmanpravah

અથાલ નજીક ટેન્‍કર સાથે ટ્રક અથડાતા રસ્‍તા પર ઓઇલ ઢોળાતા સર્જાયેલો ટ્રાફિક જામ

vartmanpravah

દાનહ-રખોલી પંચાયત ખાતે ગ્રામસભા યોજાઈ

vartmanpravah

રાનકુવામાં ધોળે દિવસે તસ્‍કરોએ બંધ મકાનમાંથી સોના-ચાંદીના દાગીના સહિત રૂા. 1.89 લાખની મત્તાની કરેલી ચોરી

vartmanpravah

વાપી ભડકમોરામાં એટીએમમાં બેલેન્‍સ તપાસવા ગયેલી મહિલાના ખાતામાંથી અચાનક 40 હજાર ઉપડી ગયા

vartmanpravah

Leave a Comment